fbpx
Mánudagur 15.ágúst 2022
Fókus

Hentu 12 milljarða stórmynd í ruslið – Mun aldrei koma fyrir sjónir almennings

Fókus
Fimmtudaginn 4. ágúst 2022 10:51

JK Simmons, Leslie Grace og Michael Keaton fóru með hlutverk í myndinni

Ekki missa af Helstu tíðindum dagsins í pósthólfið þitt

Lesa nánar

Kvikmyndin Batgirl hefur verið á teikniborðinu í nokkur ár og gott betur en það því tökum á myndinni er lokið og eftirvinnslunni nánast einnig. Þrátt fyrir það mun kvikmyndin aldrei líta dagsins ljós því kvikmyndaverið HBO Max hefur ákveðið að slaufa framleiðslu myndarinnar.

Batgirl átti að skarta Leslie Grace í hlutverki leðurblökustúlkunnar auk þess sem stórleikararnir JK Simmons, Michael Keaton og Brendan Fraser fóru með stór hlutverk í myndinni. Simmons sem lögreglustjórinn Jim Gordon, Keaton sem Batman og Fraser sem illmennið Firefly.

Eins og gefur að skilja kostaði framleiðsla myndarinnar sitt en talið er að heildarkostnaðurinn hafi verið 90 milljónir dollara eða rúmir 12 milljarðar króna. Ráðgert var að myndin yrði frumsýnd á streymisveitunni HBO Max eins og er orðið algengt.

Leikstjórar myndarinnar voru þeir Adil El Arbi 0g Bilall Fallah sem leikstýrðu myndinni Bad Boys for Life með Will Smith og Martin Lawrence árið 2020. Sú mynd fékk kannski enga rosalega dóma en halaði inn peningum fyrir kvikmyndaverið og það telur í Hollywood.

Allt virðist þó hafa farið úrskeiðis varðandi Batgirl því erlendir miðlar greina frá því að myndin hafi þótt svo hræðilega léleg að henni væri ekki viðbjargandi. Þá passaði hún einnig illa inn í sögusvið annarra mynda í kvikmyndaheimi DC, sem Batman og Batgirl, tilheyra og því væri það glapræði að frumsýna myndina. Í ljósi þess að kvikmyndaheimur DC er gjörsamlega í óskiljanlegu rugli þá er þetta talsvert afrek.

Miðað við sumar myndir sem Hollywood hefur boðið uppá í gegnum árin þá þarf mynd að vera ansi slæm til þess að enda alfarið í ruslakörfunni. Áhugafólk um skelfilegar Hollywood-myndir fær þó aldrei að njóta þessarar hörmungar.

Þó er einnig sú kenning á lofti að um sé að ræða einhverskonar bókhaldsbrellur Warner Bros-kvikmyndaversins, sem á HBO Max. Þar á bæ sé allsherjar stefnubreyting í gangi og fyrirtækið hafi metið sem svo að það væri hagkvæmara að bókfæra risastórt tap af myndinni frekar en að frumsýna myndina.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 3 dögum

Anne Heche sögð heiladauð eftir slysið og ekki hugað líf

Anne Heche sögð heiladauð eftir slysið og ekki hugað líf
Fókus
Fyrir 3 dögum

Netverjar slegnir yfir typpamynd Tommy Lee

Netverjar slegnir yfir typpamynd Tommy Lee
Fókus
Fyrir 6 dögum

Kristján Jón er sterkasti maður Íslands 2022

Kristján Jón er sterkasti maður Íslands 2022
Fókus
Fyrir 6 dögum

Svona lengi á kynlífið að endast samkvæmt kynlífssérfræðingnum

Svona lengi á kynlífið að endast samkvæmt kynlífssérfræðingnum