Í þættinum Matur og heimili í kvöld heimsækir Sjöfn Þórðar eigendur og rekstraraðila Múlabergs, Ingibjörgu Bragadóttur veitingastjóra og Hlyn Halldórsson yfirkokk og fær innsýn sérstöðu þeirra í matargerðinni og því sem koma skal í sumar. Heiðurinn af nýja matseðlinum á Hlynur og teymið hans. Fyrst og fremst segir Hlynur að sérstöðu staðarins vera franska og norræna matargerð, þar liggi þeirra áherslur. „Okkur langaði að leggja áherslu á að vera með hágæða og fersk hráefni úr nærumhverfinu og um fram allt að leyfa brögðunum á njóta sín í matargerðinni,“ segir Hlynur sem hefur staðið í ströngu ásamt starfsfólki sínu að útbúa þennan nýja sælkeramatseðil sem enginn verður svikinn af. Sumarið hafi farið vel af stað og þegar hulunni var svipt af nýja matseðlinum hafi allt ætlað um koll að keyra. „Við gerðum nýja líka nýja kokteilaseðil samhliða matseðlinum,“ segir Ingibjörg og segir að útisvæðið njóti mikilla vinsælda og þar komi freyðandi sumarkokteilar sterkir inn. Ingibjörg bætir við að þau leggi mikla áherslu á að geta parað sem drykki og mat og það sé upplifun alla leið fyrir gesti að njóta matarins.

Húsið sem hún býr í er teiknað af föður hennar fyrir aðra fjölskyldu en fyrir liðlega tíu árum var Margrét svo heppin að eignast það. Húsið stendur á fallegum stað á hæðinni þar sem útsýnið er stórfenglegt til allra átta. Heimilið hennar er engu öðru líkt þar sem fallegir munir eftir hana kallast á við náttúrulega jarðliti og notaða hluti sem eiga sér sögu.

Hún er með ákveðinn heimilisstíl sem er einstakur á svo margan hátt og lýsir hennar persónulega stíl svo vel. Ljósir litir, jarðtónar og gamlir munir eru eitthvað sem minnir á hana.

„Mér þykir líka svo vænt um hluti sem eiga sér sögu og eru úr fjölskyldunni. Ég leyfi þeim að njóta sín á heimilinu og sumir hafa fengið andlitslyftingu,“ segir Margrét sem er umvafin hlýju og rómantík á heimili sínu á hennar einstaka listræna hátt.

Missið ekki af nýjasta þættinum í kvöld klukkan 19.00 og aftur klukkan 21.00 á Hringbraut.

Hægt er að sjá brot úr þætti kvöldsins hér: