Poppstjarnan Britney Spears sendi bróður sínum harðorð skilaboð á Instagram í gær. Hún sagði að honum hefði ekki verið boðið í brúðkaupið vegna þess að hann neitaði henni um áfengi yfir fjögurra ára tímabil.
Britney segir að bróður hennar, Bryan Spears, var ekki boðið í brúðkaupið þrátt fyrir að miðlar vestanhafs greindu frá öðru.
„Þér var aldrei boðið í brúðkaupið mitt þannig af hverju að svara??? Hélstu í alvöru að ég vildi bróður minn þarna, sem sagði nei í fjögur ár þegar ég bað um Jack og kók,“ skrifaði hún í færslu, sem hún hefur síðan eytt, á Instagram í gær.
„Ef við hefðum ætlað að drekka saman í brúðkaupinu og láta almennilega fyrir börnin, eins og þú og mamma gerið, þar sem þið bókstaflega földuð kaffi og áfengi þegar ég kom heim. Þú særðir mig og þú veist það!!“
Britney sagði að fjölskyldan – og sérstaklega Bryan – hefðu ekki leyft henni að drekka áfengi þegar hún var með fasta sýningu í Las Vegas yfir fjögurra ára tímabil, frá 2013 til 2017.
Hún var þá undir forræði föður síns en hún fékk loks sjálfræði í nóvember 2021.
„Og ég mun jafnvel neyða mig sjálfa til að drekka Jack [Daniels] í kvöld… horfa upp til tunglsins og segja: „FOKKAÐU ÞÉR!!“ Ég veit við erum blóðtengd en engin fjölskylda myndi gera það sem þið gerðuð mér.“
View this post on Instagram
Britney gekk í það heilaga með Sam Ashagri þann 9. júní síðastliðinn. Bryan var ekki eini fjölskyldumeðlimurinn sem fékk ekki boðskort. Móður hennar, Lynne Spears, og systur, Jamie Lynn Spears, var ekki boðið, og það kom engum á óvart að föður hennar, Jamie Speras, var heldur ekki boðið.