Áhrifavaldurinn og raunveruleikastjarnan Sunneva Einarsdóttir er stödd á Kúbu og virðist vera að njóta í botn ef marka má nýjustu Instagram-færslu hennar.
Stór hópur Íslendinga flaug til Kúbu í fyrradag vegna afmælis Guðjóns Más Guðjónssonar, eiganda og framkvæmdastjóra tæknifyrirtækisins OZ. Hann fagnaði fimmtugsafmæli í gær og í tilefni stórafmælisins leigði hann flugvél hjá Icelandair og flaug til Kúbu ásamt góðum vinum. Vísir greindi frá.
Samkvæmt fréttastofu Vísis er ekki aðeins um að ræða fjölskyldu og vini Guðjóns heldur einnig vini vina hans, gestir gátu keypt pakka þar sem flug, gisting á hóteli og allt skemmtanahald er innifalið.
Sunneva hefur verið dugleg að leyfa fylgjendum að fylgjast með Kúbu ferðinni í Story á Instagram.
Hún er einn vinsælasti íslenski áhrifavaldurinn, með 48 þúsund fylgjendur, og kemur fram í raunveruleikaþáttunum #Samstarf á Stöð 2.
Hún er ekki eina sjónvarpsstjarnan í hópnum, heldur er vinkona hennar Jóhanna Helga Jensdóttir einnig að sóla sig á Kúbu ásamt Patrek Jaime og Binna Glee, sem hafa slegið í gegn í þáttunum Æði á Stöð 2+.
