Það er kominn rúmlega áratugur síðan Jennifer Aniston og Brad Pitt hættu saman. Þau voru gift í tæplega fimm ár og skildu árið 2005. Leikkonan greindi nýverið frá hver staðan á sambandi þeirra sé.
Fyrir ári síðan fór internetið nánast á hliðina þegar Jennifer og Brad komu saman í þættinum Dane Cook Presents Feelin‘ A-Live: A Virtual Table Read Of Fast Times at Ridgemont High.
Það má líka ekki gleyma því þegar leikararnir voru verðlaunaðir á SAG-verðlaunahátíðinni í janúar 2020 og hittust óvænt baksviðs og óskuðu hvort öðru til hamingju. Myndir af þeim fóru eins og eldur í sinu um netheima.
Jennifer var á dögunum í útvarpsþættinum The Howard Stern Show og spurði Howard hvort þessi óvænti endurfundur þeirra baksviðs á hátíðinni hefði verið vandræðalegur.
„Nei! Þetta var ótrúlega gaman. Þú veist, við Brad erum félagar. Við erum vinir og tölum alveg saman,“ sagði hún.
„Þetta var alls ekki skrýtið nema fyrir utan hversu margir horfðu örugglega á þetta og vildu að þetta væri eitthvað skrýtið.“
Jennifer sagðist meðvituð um þennan gríðarlega áhuga sem aðdáendur hennar hafa á ástamálum hennar, sem hún reynir eftir fremsta megni að halda utan sviðsljóssins.
Howard reyndi þó að fá einhverjar upplýsingar frá Jennifer og spurði hvort það væri einhver karlmaður í hennar lífi. Jennifer og fyrrverandi eiginmaður hennar Justin Theroux skildu árið 2018.
„Ég hef ekki [fundið ástina]. Það hefur ekkert gengið neitt rosalega vel hingað til en auðvitað er ég opin fyrir því,“ sagði hún.
Hún lýsti eiginleikunum sem hún leitar að í karlmönnum. „Góðmennska, skemmtilegur, örlátur og gott skopskyn.“
