Miðvikudagur 03.mars 2021
Fókus

Skilaboðin sem hún fær vegna þyngdarmismunar hennar og eiginmannsins

Guðrún Ósk Guðjónsdóttir
Þriðjudaginn 2. febrúar 2021 08:57

Mynd/Instagram

Ekki missa af Helstu tíðindum dagsins í pósthólfið þitt

Lesa nánar

Áhrifavaldurinn Alicia Mccarvell breiðir út boðskap jákvæðrar líkamsímyndar og líkamsvirðingar á samfélagsmiðlum. Hún deilir einnig fyndnum og skemmtilegum myndböndum um lífið og tilveruna.

Alicia nýtur mikilla vinsælda á samfélagsmiðlum, hún er með yfir 1,5 milljón fylgjendur á TikTok og um 230 þúsund fylgjendur á Instagram.

Eiginmaður Aliciu, Scott, er tíður gestur á samfélagsmiðlum hennar. Þyngdarmismunur þeirra virðist fara eitthvað fyrir brjóstið hjá sumum netverjum. Alicia er í því sem telst vera stærri stærð (e. plus-size) en eiginmaður hennar ekki.

Í nýlegri færslu á Instagram deilir Alicia skilaboðum sem hún hefur fengið, og fær reglulega, vegna þess að hún er þyngri en eiginmaður sinn. Hér að neðan má lesa nokkur þeirra:

„Já hann er pottþétt að halda framhjá.“

„Ekki séns að þetta sé eiginmaðurinn þinn.“

„Hann er óhamingjusamur og að þykjast.“

„Greyið maðurinn er alltaf í ræktinni og þetta er eiginkonan hans.“

„Gaur, þetta er bara vanvirðing. Vertu grennri fyrir eiginmann þinn.“

„Þetta er það sem fólk hefur sagt um mig og eiginmann minn, einfaldlega vegna þyngdarmismunar okkar,“ segir Alicia í færslunni, sem hefur fengið yfir 50 þúsund „likes“.

Alicia tekur það fram að hún sé ekki að vekja athygli á þessu til að fá vorkunn. „Ég veit hvers virði ég er og það hefur tekið mig langan tíma að komast á þennan stað. Ég er að sýna ykkur þetta vegna þess að í fyrsta lagi, sum ykkar upplifa þetta ekki og það er mikilvægt að þið sjáið hvernig komið er fram við feitt fólk. Og í öðru lagi, þá upplifa sum ykkar þetta og það er mikilvægt fyrir ykkur að vita að þetta er rangt og þetta er ekki satt,“ segir hún.

„Þessi hugmynd að stærð okkar segir til um hversu góð við erum fyrir makann okkar er grín. Þessi hugmynd að geta karlmanns um að vera trúr maka sínum fari eftir stærð makans er ógeðsleg. Þessi hugmynd að við „skuldum“ mökum okkar þá „virðingu“ að vera grannar gerir mig reiða. Stærð þín segir ekki til um hvers virði þú ert.“

Eins og fyrr segir hefur færslan vakið mikla athygli. Alicia þakkar fyrir stuðninginn og segir að hún hefur fengið falleg skilaboð eftir að hún birti færsluna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Hringbraut leitar að konum til starfa í sjónvarpi – Átt þú heima í sjónvarpinu?

Hringbraut leitar að konum til starfa í sjónvarpi – Átt þú heima í sjónvarpinu?
Fókus
Fyrir 2 dögum

Hún er 28 ára og hann er 58 ára – „Ástin okkar er eins og hver önnur ást“

Hún er 28 ára og hann er 58 ára – „Ástin okkar er eins og hver önnur ást“
Fókus
Fyrir 2 dögum

Sakamál – Hundelti kattamorðinginn

Sakamál – Hundelti kattamorðinginn
Fókus
Fyrir 2 dögum

„Algjörar andstæður en smellpassa saman á einhvern ótrúlegan hátt“

„Algjörar andstæður en smellpassa saman á einhvern ótrúlegan hátt“
Fókus
Fyrir 3 dögum

Nýja kynlífstískan sem ætti að vera ólögleg – „Ljósin voru slökkt, en ég vissi strax að það var enginn smokkur“

Nýja kynlífstískan sem ætti að vera ólögleg – „Ljósin voru slökkt, en ég vissi strax að það var enginn smokkur“
Fókus
Fyrir 4 dögum

Stjörnuspá vikunnar – Einhver úr fortíðinni lætur sjá sig

Stjörnuspá vikunnar – Einhver úr fortíðinni lætur sjá sig