Fyrirsætan Ashley Graham er harður málsvari jákvæðrar líkamsímyndar og draumur hennar er að öllum konum líði vel í eigin skinni, óháð stærð og vaxtarlagi. Hún hefur verið dugleg að breiða út boðskapinn, bæði í leik og starfi.
Hún er með tæplega 13 milljón fylgjendur á Instagram og deilir óbreyttum myndum af sér sjálfri, alveg eins og hún er. Mörgum þykir það afar hressandi þar sem það er mjög algengt að stjörnur og áhrifavaldar breyti myndunum sínum í myndvinnsluforritum, eins og Photoshop og Facetune.
Í samtali við News.au segist Ashley ekki eiga erfitt með að deila „hráum“ og óbreyttum myndum af sér á samfélagsmiðli þar sem annarri hverri mynd virðist hafa verið breytt.
„Ég hugsa til baka þegar ég var yngri, ég hugsa um hana og ég veit að hún er til staðar í svo mörgum öðrum ungum stelpum og ég hugsa, af hverju myndi ég vilja ljúga að henni? Af hverju myndi ég vilja að hún myndi sjá eitthvað sem er ekki raunveruleikinn?“
Ashley eignaðist sitt fyrsta barn í mars 2020. Hún hefur verið dugleg að deila myndum af nöktum líkama sínum á Instagram í gegnum allt ferlið.
View this post on Instagram
Hún segist vilja deila þessum myndum af líkama sínum eftir barnsburð því fólk „sér ekki svona myndir nógu oft.“
„Við sjáum sjaldan konur sem eru með milljónir fylgjenda í réttu ljósi, að mínu mati,“ segir hún.
„Ég held að ég birti þessar myndir því ég hefði viljað sjá svona myndir þegar ég var yngri.“
View this post on Instagram