fbpx
Miðvikudagur 06.júlí 2022
Fókus

Stofnuðu Cirkus í miðjum heimsfaraldri

Ágúst Borgþór Sverrisson
Þriðjudaginn 3. nóvember 2020 16:20

Guðlaugur Aðalsteinsson. Aðsend mynd.

Ekki missa af Helstu tíðindum dagsins í pósthólfið þitt

Lesa nánar

„Já, við vorum að stofna stofu. Veit ekki hvort það er gáfulegt í miðjum heimsfaraldri. Hvað þá að stofna Cirkus. Það er kannski glapræði í augnablikinu,“ segir Guðlaugur Aðalsteinsson, eldhress og sposkur, í spjalli við DV.

Margir hafa rekið augun í skemmtilegar auglýsingar í dag þar sem þekktar íslenskar vörur eru settar í erlendan búning, útkoman er fyndin og sláandi. Um er að ræða átakið Íslenskt skiptir máliHönnuðir herferðarinnar er nýstofnuð auglýsingastofa, Cirkus, sem hefur aðstetur í Kringlunni 4-6.

„Ég ber titilinn Cirkusstjóri. Hér er líka akróbat og skeggjuð kona,“ segir Guðlaugur og heldur áfram að slá á létta strengi. Starfsmenn hinnar nýstofnuðu stofu eru þrír en fólkið starfaði áður allt á Íslensku auglýsingastofunni sem fór í þrot.

„Íslenska fór í þrot og þá voru góð ráð dýr. Við vonum að við komum standandi á báðum fótum út úr faraldrinum því annars verðum við að fara með skottið á milli lappanna, banka upp á hjá einhverri auglýsingastofu og biðja hana um að taka við okkur,“ segir Guðlaugur.

Auglýsingaherferðin skemmtilega er í samvinnu við Sælgætisgerðina Freyju, Nóa Síríus, MS, Kjörís, Gæðabakstur og Ölgerðina. „Við nálguðumst þau að fyrra bragði og kynntum þessa hugmynd fyrir þeim og vorum með fast verð á öllu saman. Þau slógu til,“ segir Guðlaugur, en í anda inntaks herferðarinnar er lögð áhersla á birtingar á auglýsingunum í íslenskum miðlum, Fréttablaðinu og netmiðlum, en síður í alþjóðlegum samfélagsmiðlum.

Aðspurður hvort áherslan hjá Cirkus verði á svona einfaldar hugmyndir sem hitti í mark, segir hann: „Ég veit það ekki, en við viljum endilega leggja áherslu á góðar hugmyndir. Við höfum gert allan fjandann í gegnum tíðina, allt frá stórum auglýsingaherferðum niður í lítil samfélagsmiðlaplott.“

Þess má geta að leturhönnun auglýsinganna er íslensk, frá Gunnari í Wordtype.

Guðlaugur segir að Cirkus-liðar kunni vel við sig í Kringlunni. „Hér er frábært útsýni og ég held ég sjái til Grænlands út um gluggann, en  það gæti verið misskilningur.“

Cirkus er þegar komin með nokkra viðskiptavini en starfsmenn eru ekki margir og rekstrarkostnaði er haldið í lágmarki.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fókus
Fyrir 2 dögum

Tóku upp klám og eiga nú yfir höfði sér fangelsi

Tóku upp klám og eiga nú yfir höfði sér fangelsi
Fókus
Fyrir 2 dögum

Vill minnisbælandi meðferð eftir að hafa kysst eiginmann bestu vinkonunnar

Vill minnisbælandi meðferð eftir að hafa kysst eiginmann bestu vinkonunnar
Fókus
Fyrir 3 dögum

Var tvisvar grafin lifandi – Skelfileg örlög Alice

Var tvisvar grafin lifandi – Skelfileg örlög Alice
Fókus
Fyrir 3 dögum

Andrés prins brjálaður ef bangsarnir eru ekki á réttum stað – Hallarstarfsfólk skikkað í sérstaka þjálfun í uppröðun

Andrés prins brjálaður ef bangsarnir eru ekki á réttum stað – Hallarstarfsfólk skikkað í sérstaka þjálfun í uppröðun
Fókus
Fyrir 3 dögum

Sylwia var fjallkonan í ár – ,,Ég vissi ekki hvernig íslenskt samfélag myndi bregðast við“

Sylwia var fjallkonan í ár – ,,Ég vissi ekki hvernig íslenskt samfélag myndi bregðast við“
Fókus
Fyrir 3 dögum

Tíu hlutir sem þú vissir ekki um golf

Tíu hlutir sem þú vissir ekki um golf