fbpx
Föstudagur 30.október 2020
Fókus

Arnar Gauti með nýjan lífsstílsþátt í sjónvarpi: „Þetta er þéttur pakki“

Ágúst Borgþór Sverrisson
Föstudaginn 11. september 2020 17:08

Ekki missa af Helstu tíðindum dagsins í pósthólfið þitt

Lesa nánar

Lífstílsfrömuðurinn Arnar Gauti mætir aftur á skjáinn með glænýja lífsstílsþætti sem bera heitið Sir Arnar Gauti. Í þáttunum heimsækir hann falleg og vel hönnuð íslensk heimili og sýnir „fyrir-og-eftir“ breytingar. Hann kynnir sér flóruna í íslenskri matar- og veitingahúsamenningu, skoðar uppbyggingu nýrra hverfa með nútíma arkitektúr ásamt því að fjalla um hin ýmsu lífsstílstengdu málefni.

Þættirnir verða á dagskrá sjónvarpsstöðvarinnar Hringbrautar á fimmtudagskvöldum kl. 21:30 og fyrsti þátturinn fer í loftið fimmtudagskvöldið 24. september. Þættirnir verða minnst 14 og verða á dagskrá út árið til að byrja með.

„Í fyrsta þætti verðum við með innlit til athafnakonunnar Ingu Tinnu. Enn fremur förum við yfir áhugaverð verkefni hjá Sir Arnari Gauta, við skoðum skólahúsnæði sem ég tók við hráu og hannaði og breytti. Þá verður verkefni Sir Arnar hjá American Style í Skipholti líka tekið fyrir en það hefur vakið töluverða athygli,“ segir Arnar í spjalli við DV.

„Matur og menning eru nauðsynlegt efni í lífsstílsþætti og við verðum með innslag frá listamanni í fyrsta þætti,“ segir Arnar sem er einnig spenntur fyrir nálgun sinni á umhverfi og arkitektúr í  þættinum. „Margir bölva Hafnartorginu og segja að þetta sé kaðaðk af húsum, en mér líður þar eins og í Stokkhólmi fyrir 35 árum. Við Íslendingar erum að vaxa upp úr húsunum okkar og fara í nýjar áttir. Mig langar að gera grein fyrir þessu og skoða framtíðarsýnina.“

Arnar bendir á að Sir Arnar Gauti verði eini lífsstílsþátturinn í sjónvarpi í vetur og er mjög spenntur fyrir verkefninu. „Þetta er þéttur pakki og ég held að þetta verði skemmtilegur magasín-þáttur. Það spillir ekki fyrir að geta miðlað af 30 ára reynslu í tísku og hönnun.“

Sem fyrir segir verður fyrsti þátturinn af Sir Arnari Gauta á dagskrá Hringbrautar fimmtudagskvöldið 24. september.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Lést af COVID-19

Nýlegt

Lést af COVID-19
Fókus
Í gær

Svakalegustu framhjáhaldssögurnar – Barn kom upp um hann

Svakalegustu framhjáhaldssögurnar – Barn kom upp um hann
Fókus
Í gær

Syngja um Þórólf sem á afmæli í dag – Sjáðu myndbandið

Syngja um Þórólf sem á afmæli í dag – Sjáðu myndbandið
Fókus
Fyrir 3 dögum

Ágúst ætlaði að panta bílbelti á Ali – „Þetta er það sem ég fékk sent“

Ágúst ætlaði að panta bílbelti á Ali – „Þetta er það sem ég fékk sent“
Fókus
Fyrir 3 dögum

Vikan á Instagram: „Ánægð með daginn þótt ég hafi ekki komist ekki á djammið“

Vikan á Instagram: „Ánægð með daginn þótt ég hafi ekki komist ekki á djammið“