Sævar Helgi Bragason, stjörnufræðingur og einn ötulasti umhverfisverndarsinni Íslands, er kominn á fast. Kærasta hans er Þórhildur Fjóla Stefánsdóttir, ráðgjafi hjá Wise lausnum, sem er einn stærsti seljandi Microsoft Dynamics NAV á Íslandi.

Parið lét hendur standa fram úr ermum ásamt fjölda annarra Íslendinga sunnudaginn 28. apríl á Stóra plokkdeginum og plokkaði svæðið meðfram girðingunni hjá Reykjanesbrautinni. Í viðtali við Fjarðarpóstinn sögðu þau að þar væri ógrynni af sígarettustubbum og flugeldarusli. „Ég er ekki sáttur við hvað landar mínir hafa gert og hvet þá til að opna augun,“ sagði Sævar, sem sér um þáttaröðina Hvað höfum við gert? á RÚV, sem fjalla um loftslags- og umhverfismál á mannamáli.