fbpx
Þriðjudagur 26.maí 2020
Fókus

Valgerður hrekur vinsæla mýtu um veganisma: „Það halda allir að við séum með próteinskort“

Fókus
Miðvikudaginn 15. maí 2019 12:30

Valgerður Árnadóttir. Mynd: Hanna/DV

Ekki missa af Helstu tíðindum dagsins í pósthólfið þitt

Lesa nánar

Valgerður Árnadóttir er nýjasti gestur Föstudagsþáttarins Fókus, hlaðvarpsþáttar dægurmáladeildar DV. Valgerður er meðstjórnandi hjá Samtökum grænkera á Íslandi og virk innan starfi Pírata í Reykjavík. Valgerður og Guðrún Ósk, umsjónamaður þáttarins, ræða um veganisma og fara um víðan völl.

Í þættinum ræða þær ýmsar mýtur um veganisma. Ein vinsælasta mýtan er próteinskortur grænkera.

„Það halda allir að við séum með próteinskort. Það er náttúrlega búið að herja á okkur í nánast hundrað ár, bara frá því að eldisdýraiðnaðurinn var svona mikill, frá því að við komum verksmiðjubúskap á, þá er búið að herja á okkur að við þurfum kjöt og mjólkurvörur til að fá prótein. En það er ekki svoleiðis,” segir Valgerður.

„Um leið og maður fer að skoða næringarfræðina á bak við þetta þá koma próteinin úr kjöti og mjólkurvörum úr plöntum. Dýrin eru að borða plöntur og við erum að fá [próteinið] úr þeim. Þannig við erum að fá það í gegnum þriðja aðila í rauninni í stað þess að borða það beint. Þannig að í rauninni tekur líkaminn betur upp prótein úr plöntum heldur en kjöti og mjólkurvörum.“

Valgerður og Guðrún Ósk fóru um víðan völl í þættinum. Mynd: Hanna/DV

Valgerður segir að sú mýta að grænkerar vilja að húsdýr deyi út vera leiðinlega.

„Umræðan sem mér finnst leiði gjörnust og einhvern veginn loða við er að við [grænkerar] viljum að húsdýr deyi út. Það er eitthvað sem ég hef heyrt frá dýraverndunarsamtökum á Íslandi sérstaklega að þau geti ekki stutt við veganisma því þau halda að við viljum að húsdýrin deyi út. En það er auðvitað ekki svoleiðis. Við erum búin að ganga á náttúruna og drepa allt villt dýralíf í kringum okkur og það eru rosalega mörg dýr sem þegar hefur verið útrýmt eða eru í útrýmingarhættu núna,“ segir Valgerður.

„Það að við viljum að verksmiðjubúskapur hætti þýðir ekki að við viljum að húsdýr deyi út. Við viljum bara að dýr séu ekki nýtt okkur í hag. Að það sé ekki verið að framleiða þau til þess að fæða okkur vegna þess að lífið sem þau eiga núna í verksmiðjubúskap er mjög slæmt líf og við sjáum það bara á öllu myndefni sem við sjáum. Það eru ótal margar heimildarmyndir og myndbönd hægt að sjá um það hvernig verksmiðjubúskapur gengur fyrir sig og fólk kýs að loka augunum fyrir því og úthrópa okkur sem eitthvað fólk sem vill útrýma þessum dýrum.“

Horfðu á Föstudagsþáttinn Fókus hér að neðan.

Föstudagsþátturinn Fókus: Veganismi – 10.05.19 from DV Sjónvarp on Vimeo.

Hægt er að nálgast myndbönd sem sýna aðbúnað húsdýra á Íslandi og fleiri myndbönd tengd veganisma á graenkeri.is eða með því að ýta hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

Minning um köttinn Jón Stúart: Hafði meiri áhuga á páskaungum en hugvísindum

Minning um köttinn Jón Stúart: Hafði meiri áhuga á páskaungum en hugvísindum
Fókus
Fyrir 4 dögum

Andstæðingur Fjallsins gerði 100 uppsetur á hverjum degi í mánuð og þetta gerðist

Andstæðingur Fjallsins gerði 100 uppsetur á hverjum degi í mánuð og þetta gerðist
Fókus
Fyrir 4 dögum

Varð hræddur þegar tölur yfir sýkta æddu stjórnlaust upp

Varð hræddur þegar tölur yfir sýkta æddu stjórnlaust upp
Fókus
Fyrir 4 dögum

Gagnrýnandi The Spectator lofsyngur frammistöðu Arndísar: „Hin íslenska Frances McDormand“

Gagnrýnandi The Spectator lofsyngur frammistöðu Arndísar: „Hin íslenska Frances McDormand“
Fókus
Fyrir 6 dögum

Eva Ruza kennir þér að stífla ekki vaskinn

Eva Ruza kennir þér að stífla ekki vaskinn
Fókus
Fyrir 6 dögum

Borgarfulltrúi Pírata skartar nýju húðflúri

Borgarfulltrúi Pírata skartar nýju húðflúri
Fókus
Fyrir 1 viku

Dagur í lífi Söru Sigmundsdóttur

Dagur í lífi Söru Sigmundsdóttur
Fókus
Fyrir 1 viku

Vikan á Instagram: „Ekkert fokking photoshop eða filter“

Vikan á Instagram: „Ekkert fokking photoshop eða filter“