Föstudagur 13.desember 2019
Fókus

Vigga Þórðar og Birkir Steinn eru í AV: „Gengur út á að sýna fólki hvað gerist fyrir dýr í öllum iðnaði“

Guðrún Ósk Guðjónsdóttir
Föstudaginn 12. júlí 2019 14:45

Vigga Þórðar og Birkir Steinn Erlingsson. Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Föstudagsþátturinn Fókus er vikulegur hlaðvarpsþáttur dægurmáladeildar DV. Í þættinum fáum við til okkar fjölbreytta gesti til að tala um allt milli himins og jarðar.

Gestir vikunnar eru Vigga Þórðar og Birkir Steinn, tveir af stjórnendum Anonymous for the Voiceless á Íslandi, eða AV eins og það verður kallað hér eftir.

Vigga og Birkir Steinn segja sína vegan sögu, hvað leiddi til þess að þau ákváðu að taka sín fyrstu skref í átt að veganisma og seinna meir berjast fyrir réttindum dýra.

Hvað er AV?

„AV eru samtök sem voru stofnuð í Ástralíu í Melbourne árið 2016. Þetta eru samtök sem ganga út á það að sýna fólki hvað gerist fyrir dýr í öllum iðnaði. Það gengur líka út á það að spjalla við fólk úti á götu og gefa þeim upplýsingar til að ýta þeim í áttina að verða vegan,“ segir Birkir Steinn.

Birkir Steinn byrjaði í AV því honum langaði að gera eitthvað fyrir dýrin. Hann hafði verið vegan í einhvern tíma og var orðinn góður í að rökræða um veganisma.

Vigga Þórðar bendir á að eina sem AV gerir er að vera með svokallaða Cubes of Truth, eða sannleikskubba, og taki ekki þátt í neinum öðrum mótmælum.

Sumir hafa kannski séð sannleikskubbinn í miðbæ Reykjavíkur, en það er kubbur þar hvert sunnudagskvöld á vegum AV Reykjavík.

Myndir frá Sannleikskubbi í Reykjavík. Myndir: Vigga Þórðar

Jákvæð viðbrögð

Fyrsti kubburinn var 3. desember 2017 á Lækjartorgi. Vigga segir að viðbrögðin við fyrstu sannleikskubbunum hafi verið jákvæð.

Birkir Steinn tekur undir og segir að viðbrögðin séu yfirhöfuð frekar jákvæð því þau ganga ekki á eftir fólki.

„Þetta hefur eiginlega verið frekar jákvætt allan tímann því viðburðurinn gengur út á að við erum ekki að tala við fólk sem vill ekkert láta tala við sig,“ segir Birkir.

Ef fólk gengur fram hjá kubbnum er ekkert verið að kalla á eftir þeim eða tala við þau. Ef fólk stoppar og horfir á myndefnið þá nálgast einhver frá AV það og hefur samtal. Oftast er byrjað á því að spyrja hvort fólkið hafi séð myndefnið áður og hvernig þeim líður gagnvart því.

Í lok samtalsins koma þau með lausnir fyrir einstaklinginn sem geta hjálpað honum að verða vegan.

Vegan áskorun

Aðspurð hvers konar lausnir þau stinga upp á nefnir Vigga áskorun á Facebook.

„Það er til áskorun sem heitir Challenge 22. Hún fer fram í Facebook-hóp. Það byrjar ný áskorun í hverri viku sem stendur yfir í 22 daga, eiginlega 30 daga en það er vika í „upphitun.“ Þar er fólk og mentorar að hjálpa. Ef þú ert í vandræðum með næringu er fullt af efni frá löggildum næringarfræðingum um veganisma sem þau hafa aðgang að. Ef það er eitthvað dýpra en það þá færðu hjálp frá næringarfræðing,“ segir Vigga og bætir við:

„Þú getur líka fengið einkamentor sem getur hjálpað þér í skilaboðum ef þú ert feimin að skrifa opinberlega. Þetta er súper góður stuðningur fyrir fólk sem er að taka þetta skref að verða vegan.“

Horfðu á Föstudagsþáttinn Fókus í heild sinni hér að neðan. Þú getur einnig hlustað á hann á Spotify, Podcast og öllum helstu hlaðvarpsöppum.

 

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Formaður Afstöðu undrast viðbrögð við veðrinu: „Við erum að ala upp aumingja“

Formaður Afstöðu undrast viðbrögð við veðrinu: „Við erum að ala upp aumingja“
Fókus
Fyrir 2 dögum

„Það er pungurinn!“ – Sögur og sagnir af Borgfirðingum eystri

„Það er pungurinn!“ – Sögur og sagnir af Borgfirðingum eystri
Fókus
Fyrir 3 dögum

„Hvern andskotans djöfulinn eruð þið að þvælast…“ Af Gústa guðsmanni

„Hvern andskotans djöfulinn eruð þið að þvælast…“ Af Gústa guðsmanni
Fókus
Fyrir 3 dögum

Hlustaðu á vinsæl íslensk jólalög komin saman í einni syrpu

Hlustaðu á vinsæl íslensk jólalög komin saman í einni syrpu
Fókus
Fyrir 4 dögum

Kristina syngur í stórmynd sem framleidd er af Warner Brothers – „Leikstjórinn vildi nota útgáfuna okkar“

Kristina syngur í stórmynd sem framleidd er af Warner Brothers – „Leikstjórinn vildi nota útgáfuna okkar“
Fókus
Fyrir 4 dögum

Halla á von á þriðja barninu

Halla á von á þriðja barninu
Fókus
Fyrir 5 dögum

Selma og Jónbi byrjuð saman

Selma og Jónbi byrjuð saman
Fókus
Fyrir 5 dögum

Ásdís Rán ginnt í gildru: „Ég er blásaklaus og kannast ekkert við þetta“

Ásdís Rán ginnt í gildru: „Ég er blásaklaus og kannast ekkert við þetta“