Þórunn Erna Clausen, leik- og tónlistarkona, hefur fundið ástina í örmum Olgeirs Sigurgeirssonar, knattspyrnukappa og Eyjamanns. Parið hefur verið saman í nokkurn tíma og geislar af hamingju að sögn kunnugra.
Eiginmaður Þórunnar, Sigurjón (Sjonni) Brink, varð bráðkvaddur vegna heilablóðfalls árið 2011. Átti hann lag ásamt Þórunni í Eurovision það árið og sáu hún og vinir þeirra um að fylgja laginu áfram í keppninni.
Þórunn hefur komið að keppninni síðan og átti meðal annars sigurlagið í fyrra, Our Choice, sem Ari Ólafsson flutti. Olgeir er leikjahæsti leikmaður Breiðabliks frá upphafi og starfar sem þjálfari yngri flokka félagsins.