fbpx
Mánudagur 17.júní 2024
EyjanFastir pennar

Svarthöfði skrifar: Skítabombur þá og nú

Svarthöfði
Þriðjudaginn 28. maí 2024 16:00

Ekki missa af Helstu tíðindum dagsins í pósthólfið þitt

Lesa nánar

Svarthöfði er áhugamaður mikill um pólitík og kosningar, ekki hvað síst forsetakosningar. Hann kættist því mjög er Guðni Th. Jóhannesson lýsti því yfir í áramótaávarpi sínu að hann hygðist axla sín skinn eftir aðeins átta ár í embætti forseta Íslands. Ekki svo að skilja að Svarthöfði gleðjist yfir brottför Guðna sem slíkri, enda hefur Guðni á allan hátt verið hinn þægilegasti forseti.

Það eru nefnilega komandi forsetakosningar sem kæta geð Svarthöfða. Fátt er skemmtilegra en snörp kosningabarátta þar sem misjöfnum meðulum er beitt og þeim mun göróttari eftir því sem kosningarnar nálgast og útlit fyrir tvísýn úrslit.

Svarthöfða er í fersku minni er „ÓHÁÐIR ÁHUGAMENN UM FORSETAKJÖR 1996“ birtu nokkrar heilsíðuauglýsingar í Morgunblaðinu dagana fyrir kjördag 1996 með alls kyns ávirðingum á hendur Ólafi Ragnari Grímssyni. Þessar auglýsingar flokkuðust undir það sem í daglegu máli er kallað skítabomba. Skemmst er frá því að segja að „óháðu áhugamennirnir“ riðu ekki feitum hesti frá þessu uppátæki. Skítabomban sprakk beint fram í þá sjálfa og Ólafur Ragnar jók fylgi sitt um fimm prósentustig meðan á ófrægingarherferðinni stóð en Pétur Hafstein, hans helsti keppinautur, tapaði fylgi.

Ekki er með öllu laust við að Svarthöfði telji sig sjá glitta í merki þess að Morgunblaðið og mbl.is hafi tekið að sér skítabombuhernað fyrir fyrrverandi forsætisráðherra í yfirstandandi kosningabaráttu. Aðfarir blaðsins, fyrst gegn Baldri Þórhallssyni og síðan Höllu Hrund er þau gerðu sig líkleg til að ógna sigri frambjóðanda Morgunblaðsins, vöktu víðtæka athygli.

Og nú er runnin upp síðasta vikan. Þá gerist það að kvikmyndagerðarmaður úr hópi stuðningsmanna Baldurs sakar Höllu Hrund um að hafa tekið ófrjálsri hendi myndskeið til að nota í auglýsingu. Þá er eins og við manninn mælt að mbl.is stekkur til og birtir frétt þar sem ásakanirnar eru settar fram staðreyndir séu. Nokkrum klukkustundum síðar gefur Mogginn í og birtir framhaldsfrétt. Vísir stökk líka til og birti frétt um málið.

Framboð Höllu Hrundar greindi strax frá því að myndskeiðið hefði verið keypt frá alþjóðlegum myndabanka. Í morgun birtist svo afsökunarbeiðni frá framboði Höllu Hrundar. Í ljós hafði komið að klippara sem hlóð niður myndskeiðinu hafði láðst að haka í réttan reit fyrir birtingu í sjónvarpi, mistök sem búið var að lagfæra. Jafnframt birti framboðið kvittun fyrir greiðslu til myndabankans, dagsetta 29. apríl.

Svarthöfði tók eftir því að Vísir var snöggur til og birti afsökunarbeiðnina, ásamt skýringunni og kvittuninni. Málið dautt.

Nú í eftirmiðdaginn birtist ný „frétt“ um þetta á mbl.is þar sem gefið er í og snúið út úr afsökunarbeiðni og skýringum framboðsins. Svarthöfði getur ekki annað en velt því fyrir sér hvort virkilega sé svo komið á mbl.is, að ekki skuli hafa það er sannara reynist heldur hitt sem ósatt er. Helgar máski tilgangurinn meðalið? Kannski treysta Moggamenn því að skítabomban þeirra nú springi í aðra átt en sú sem sprakk framan í „óháðu áhugamennina“ 1996.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 1 viku

Svarthöfði skrifar: Tapað – fundið … í naflanum

Svarthöfði skrifar: Tapað – fundið … í naflanum
EyjanFastir pennar
Fyrir 2 vikum

Björn Jón skrifar: Afgerandi úrslit forsetakjörs

Björn Jón skrifar: Afgerandi úrslit forsetakjörs
EyjanFastir pennar
Fyrir 3 vikum

Björn Jón skrifar: Endurvekja þarf samræmd próf

Björn Jón skrifar: Endurvekja þarf samræmd próf
EyjanFastir pennar
Fyrir 3 vikum

Sigmundur Ernir skrifar: Pólitík í verki

Sigmundur Ernir skrifar: Pólitík í verki
EyjanFastir pennar
Fyrir 4 vikum

Óttar Guðmundsson skrifar: Tölvulæknar

Óttar Guðmundsson skrifar: Tölvulæknar
EyjanFastir pennar
16.05.2024

Svarthöfði skrifar: Ríkismiðlarnir snúa saman bökum

Svarthöfði skrifar: Ríkismiðlarnir snúa saman bökum
EyjanFastir pennar
09.05.2024

Þorsteinn Pálsson skrifar: Nú þarf hægri hagstjórn og vinstri velferð

Þorsteinn Pálsson skrifar: Nú þarf hægri hagstjórn og vinstri velferð
EyjanFastir pennar
05.05.2024

Björn Jón skrifar: Allir vildu Lilju kveðið hafa

Björn Jón skrifar: Allir vildu Lilju kveðið hafa