Jón Gnarr, listamaður og fyrrum borgarstjóri, hefur eins og alþjóð veit legið undir feldi varðandi hugsanlegt framboð til embættis forseta Íslands. Í færslu á Facebook-síðu sinni segir hann að um hafi verið að ræða langt og strangt ferli um hvað skulu gera, hvernig og hvenær.

„Ég hef ekki viljað sitja óþarflega lengi á þessum upplýsingum en heldur ekki ana að neinu og auðvitað, fyrst og fremst, taka ákvörðun sem ég er og verð sáttur með,“ skrifar Jón í færslunni.

Hann greinir svo frá því að hann hafi nú útbúið stutt myndband þar sem að hann muni greina frá ákvörðun sinni varðandi framboð.

„Það er mér mikil ánægja að tilkynna að ég mun birta þetta myndband á samfélagsmiðlum mínum; Facebook, instagram og X næstkomandi þriðjudagskvöld kl 20.00,“ skrifar Jón í tilkynningunni.