fbpx
Föstudagur 12.apríl 2024
Eyjan

Ragnar Þór sakar Sigríði um að segja ósatt

Ritstjórn Eyjunnar
Föstudaginn 23. febrúar 2024 20:23

Ekki missa af Helstu tíðindum dagsins í pósthólfið þitt

Lesa nánar

Ragnar Þór Ingólfsson formaður VR sakar Sigríði Margréti Oddsdóttur framkvæmdastjóra Samtaka atvinnulífsins (SA) um ósannindi með fullyrðingum um að VR hafi dregið sig út úr viðræðum Breiðfylkingarinnar um kjarasamning við SA þar sem aðeins hafi munað 0,2 prósentustigum á þeim forsenduákvæðum kjarasamningsins, um verðbólgu og vexti, sem samkomulag hafi náðst um og þeim sem VR var tilbúið til að fallast á.

Ragnar Þór segir í færslu á Facebook-síðu sinni að VR og Landsamband verslunarmanna hafi dregið sig út úr Breiðfylkingunni þar sem ekki hafi náðst samkomulag innan hennar um forsenduákvæðin en um þau hafi SA sett afarkosti.

Ófyrirleitin ósannindi segir Ragnar

Fullyrðingar Sigríðar í samtali við RÚV um að aðeins hafi munað 0,2 prósentustigum á þeim forsenduákvæðum sem samkomulag hafi náðst um og þeim sem VR var tilbúið að fallast á séu með öllu ósannar og ófyrirleitnar:

„Á einhvern óskiljanlegan og ófyrirleitin hátt hefur framkvæmdastjóri SA ákveðið að stíga fram og fullyrt að munað hafði 0,2% á verðbólguviðmiði í okkar kröfu og þeirri sem þau settu fram. Ég veit ekki hvað henni gengur til annað en að afvegaleiða umræðuna og láta í veðri vaka að við hefðum gengið frá borði fyrir svo lítinn mun.
Svona vísvitandi rangfærslur setur hana niður og sýnir hana í ögn réttara ljósi. Hvað hún er tilbúinn að leggjast lágt til að koma höggi á mótaðilann.“

Því sem eftir stendur eftir af Breiðfylkingunni óskar Ragnar hins vegar alls hins besta:

„Við félaga okkar í Breiðfylkingunni vil ég segja, og auðvitað erum við ennþá félagar í þessari baráttu. Gangi ykkur sem allra best í að landa góðum kjarasamningi fyrir ykkar hópa. Það er einlæg von mín að þið klárið þessa vinnu á næstu dögum. Við höfum rutt brautina saman til að komast á þennan stað og við getum því auðveldlega byggt á þeim grunni sem þið leggið. Ég biðla til fjölmiðla og virkra í athugasemdum að gefa þessu flotta fólki andrými og vinnufrið til að klára. Okkur greindi á um leiðir að nákvæmlega sama markmiðinu og það hefur ekkert breyst.“

Að lokum segir Ragnar að VR og Landssamband íslenskra verslunarmanna muni á næstu dögum hefja vinnu við að ná þeim markmiðum sem upp á vanti til að ljúka kjarasamningsgerðinni. Hvort það verði gert í samráði við önnur félög í verkalýðshreyfingunni sé óráðið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

Segir að Bjarni Benediktsson hafi haft forsetaframbjóðanda fyrir rangri sök í Kastljósi

Segir að Bjarni Benediktsson hafi haft forsetaframbjóðanda fyrir rangri sök í Kastljósi
EyjanFastir pennar
Í gær

Þorsteinn Pálsson skrifar: Málefnahnútarnir enn óleystir

Þorsteinn Pálsson skrifar: Málefnahnútarnir enn óleystir
EyjanFastir pennar
Fyrir 2 dögum

Ole Anton Bieltvedt skrifar: Hvað má segja um helztu kandídata til forsetakjörs?

Ole Anton Bieltvedt skrifar: Hvað má segja um helztu kandídata til forsetakjörs?
Eyjan
Fyrir 2 dögum

Svanhildur Konráðsdóttir: Harpa ekki musteri með háa þröskulda – skemmtilegast þegar fólk kemur í fyrsta sinn í húsið

Svanhildur Konráðsdóttir: Harpa ekki musteri með háa þröskulda – skemmtilegast þegar fólk kemur í fyrsta sinn í húsið