fbpx
Laugardagur 21.júní 2025
Eyjan

Þórdís Kolbrún hefur þegið 13,8 milljónir í húsnæðis- og dvalarstyrk – óljóst með kostnað á móti

Eyjan
Föstudaginn 18. október 2024 16:00

Ekki missa af Helstu tíðindum dagsins í pósthólfið þitt

Lesa nánar

Þórdís Kolbrún Reykfjörð Gylfadóttir, sækist eftir öðru sæti á lista Sjálfstæðisflokksins í Suðvesturkjördæmi í komandi þingkosningu, Helstu rökin sem hún hefur nefnt fyrir því að hún hyggst nú flytja sig úr sínu gamla kjördæmi, Norðvestur, eru að hún hafi búið í Kópavogi í tíu ár, fjölskyldan sé búin að koma sér vel fyrir þar og börnin eru þar í skóla.

Þingmenn úr landsbyggðakjördæmum fá greiddar húsnæðis- og dvalarkostnaðargreiðslur. Á vef Alþingis segir:

„Húsnæðis- og dvalarkostnaðargreiðslur eru ætlaðar þingmönnum utan Reykjavíkurkjördæma og Suðvesturkjördæmis til að standa undir húsnæðis- og dvalarkostnaði á höfuðborgarsvæðinu. Ef þingmaðurinn er með fasta búsetu á höfuðborgarsvæðinu er fjárhæðin ætluð til að standa undir sams konar kostnaði í kjördæmi þingmannsins.“

Þórdís Kolbrún heldur hins vegar ekki heimili bæði á höfuðborgarsvæðinu og í kjördæminu, hinum megin við Hvalfjarðargöngin. Hennar heimili er í Kópavogi, eins og hún hefur sjálf bent á.

Engu að síður hefur hún þegið mánaðarlegar greiðslur sem beinlínis eru ætlaðar þingmönnum sem hafa húsnæðis- og dvalarkostnað bæði á höfuðborgarsvæðinu og í landsbyggðarkjördæmi. Frá því að Þórdís Kolbrún tók sæti á Alþingi árið 2016 hefur hún þegið 13,8 milljónir í þessar greiðslur. Reiknað fram til verðlags í dag er þessi upphæð 17,1 milljón.

Þar sem þessar greiðslur eru til að standa undir kostnaði en ekki laun eru þær skattfrjálsar. Í ljósi þess að Þórdís Kolbrún býr í Kópavogi og heldur ekki annað heimili í Norðvesturkjördæmi líta húsnæðis- og dvalargreiðslur því út eins og skattfrjálsir dagpeningar í vasa hennar. Þessu til viðbótar er hún frá Akranesi, sem er rétt handan við Hvalfjarðargöngin. Þar búa fjölmargir sem sækja vinnu á höfuðborgarsvæðinu og í raun má líta svo á að Akranes sé fyrir löngu orðið hluti höfuðborgarsvæðisins þrátt fyrir að tæknilega tilheyri bærinn landsbyggðarkjördæmi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Orðið á götunni: Formaður Samtaka í sjávarútvegi segir af sér – klofningur í röðum sægreifa vegna hroka og græðgi sumra þeirra

Orðið á götunni: Formaður Samtaka í sjávarútvegi segir af sér – klofningur í röðum sægreifa vegna hroka og græðgi sumra þeirra
Eyjan
Fyrir 4 dögum

Guðmundur segir sig frá formennsku SFS – Tæpir 3 mánuðir frá kjöri

Guðmundur segir sig frá formennsku SFS – Tæpir 3 mánuðir frá kjöri
Eyjan
Fyrir 4 dögum

Stjórnarandstaðan fær að heyra það fyrir að kvarta undan vinnu á sunnudegi – „Háttvirtir aumingjar“

Stjórnarandstaðan fær að heyra það fyrir að kvarta undan vinnu á sunnudegi – „Háttvirtir aumingjar“
Eyjan
Fyrir 4 dögum

Oddný var ekki látin vita að hún yrði ráðherra – „Það kom yfir mig einhver svona dauðadoði“

Oddný var ekki látin vita að hún yrði ráðherra – „Það kom yfir mig einhver svona dauðadoði“
Fréttir
Fyrir 1 viku

Alvarlegt flugslys í Indlandi – Full vél á leið til London Gatwick brotlenti

Alvarlegt flugslys í Indlandi – Full vél á leið til London Gatwick brotlenti
EyjanFastir pennar
Fyrir 1 viku

Þorsteinn Pálsson skrifar: Þáttaskil í Evrópuumræðu

Þorsteinn Pálsson skrifar: Þáttaskil í Evrópuumræðu