Íslendingar standa nágrannaþjóðum langt að baki þegar metinn er raunverulegur kaupmáttur en ekki einblínt tekjuhliðina. Þannig er kaupmáttur launa í Noregi 56 prósent meiri en hér á landi.
Í aðsendri grein á Eyjunni í gær birti Ole Anton Bieltvedt samanburð á kaupmætti nokkurra þjóða, sem Laenderdaten.info, virt þýsk efnahagsstofnun, gerði á tímabilinu 2022-23. Annars vegar voru reiknaðar út meðaltekjur þegna hvers lands og hins vegar hver framfærslukostnaður væri á mann.
Á tekjuhliðinni byggði stofnunin á VLF (vergri landsframleiðslu) og framfærslukostnaður var reiknaður út frá eftirfarandi þáttum:
Stofnunin stillti dæminu þannig upp að Þýskaland var grunnurinn, kaupmáttarvísitalan þar var sett á 100 stig.
Dæmi um lönd þar sem kaupmátturinn er meiri en í Þýskalandi eru:
Allar þessar þjóðir búa við meiri efnahagslega velferð en Þjóðverjar. Ísland er ekki í þessum hópi.
Kaupmáttur á Íslandi er einungis 85,6 prósent af því sem hann er í Þýskalandi. Í Noregi er kaupmátturinn þannig 56 prósentum meiri en hér á landi og okkar næstu nágrannar, Færeyingar, njóta 33 prósent meiri kaupmáttar en við hér á Fróni.
„Bjarni Benediktsson, nú forsætisráðherra landsins, hefur verið mikið í því að lýsa yfir ánægju sinni með það, hversu gott við hefðum það hér, væntanlega þökk honum, Sjálfstæðisflokknum og þeirra samherjum. Telja verður þar Framsóknarflokkinn með. Því miður kemur hér annað á daginn.
Flestir, sem við erum að bera okkur saman við, koma mun betur út en við. Færeyingar, sem eru aðeins um 55 þúsund manns – auðvitað er miklu dýrara að halda svo fámennu þjóðfélagi úti, en þeim, sem stærri eru – landstjórnin þar tryggir íbúum sínum meira að segja þriðjungi meiri velferð en ríkisstjórn Íslands hefur tekizt að tryggja Íslendingum.
Það hlýtur að fara að koma að því, að landsmenn átti sig á, að það er kominn tími á Bjarna Ben, Sigurð Inga og allt það blessaða lið,“ Skrifar Ole Anton Bieltvedt.
