Jafnan er beðið með nokkurri eftirvæntingu eftir því þegar Apple kynnir nýjar vörur og uppfærslur til sögunnar.
Apple hefur kynnt fjórar nýjar vörur sem fara í sölu á næstu vikum. Um er að ræða iPhone 15 línuna, Apple Watch 9, Apple Watch Ultra og AirPods Pro.
„Kynningin var stórkostleg eins og Apple einum er lagið og er óhætt að segja að við erum öll mjög spennt fyrir nýju vörunum. Við finnum að það er mikil eftirvænting frá viðskiptavinum og hlökkum því til að fá vörurnar í hús. Stærstu fréttirnar með nýja iPhone símann eru að símarnir munu styðja loksins USB-C sem þýðir að allir eplaunnendur geta notað einu og sömu snúruna í öll Apple tækin,“ segir Sævar Ríkarðsson forstöðumaður verslunar og stafrænna miðla hjá Vodafone
Nýi iPhone síminn mun koma í nokkrum útgáfum eins og vanalega en það mætti skipta þeim í tvo flokka, annars vegar iPhone 15 og hins vegar iPhone 15 Pro. iPhone 15 útgáfan mun vera til í tveimur útgáfum, iPhone 15 og svo iPhone 15 Plus.
iPhone 15 Pro mun koma út í Pro útgáfu og Pro max útgáfu en Pro týpan, sem hefur verið flaggskipslína Apple síðastliðin ár, mun koma út í „Titanium“ ramma sem gerir símann mun sterkari og léttari.
Apple kynnti jafnframt háþróaða nýja línu af Apple Watch úrum. Það helsta með nýju Apple Watch úrin er að þau eru fyrstu kolefnishlutlausu vörurnar sem Apple gefur út. Apple kynnti áhugaverða nýjung, eða svokallað tvíklikk þar sem hægt er að smella saman fingrum til þess að svara símtölum í úrinu.
Sala á iPhone 15 hefst í Bandaríkjunum 22. september næstkomandi og vænta má þess að hann verði kominn hingað til lands fljótlega eftir það.
