Hjá 24% heimila landsins ná endar naumlega saman um hver mánaðamót. 10% safna skuldum eða neyðast til að ganga á sparifé til að láta bókhaldið ganga upp. Staðan er verri úti á landi en á höfuðborgarsvæðinu.

Þetta eru niðurstöður nýrrar könnunar Prósents. Fréttablaðið skýrir frá þessu. Fram kemur að hjá tekjulægsta hópnum, fólki sem er með undir 400.000 í laun eru 77% í þessari stöðu og þar af eru 46% í mínus.

Hvað varðar þá sem hafa tekjur á bilinu 400.000 til 800.000 eru 43% á núlli um hver mánaðamót og 15% í mínus.

Verst er staðan á Reykjanesi en þar eru 57% íbúa á núllinu eða í mínus um hver mánaðamót.

Þegar heildarmyndin er skoðuð er fjárhagur heimila á landsbyggðinni verri en á höfuðborgarsvæðinu og er munurinn 8%.

Nánar er hægt að lesa um málið í Fréttablaðinu í dag.