Auðunn Blöndal, sjónvarps og veitingamaður segir skemmtilega sögu af því þegar hann var staddur í New York ásamt unnustu sinni, Rakel Þormarsdóttir. Þar hittu þau Danny Welbeck framherja Brighton og enska landsliðsins.
Welbeck hefur leikið með Manchester United og Arsenal en Auðunn sjálfur er mikill stuðningsmaður United.
„Þetta er sönn saga, Danny Welbeck er á þessum stað í New York sem hún átti með manninum sínum. Hann situr í einhverju svaka loungei,“ segir Auðunn um unnustu sína Rakel sem rak skemmtistað í New York á árum áður.
„Ég kem og sest með Rakel og spyr hana hvort þetta sé ekki Welbeck, hún jánkar því. Ég spyr hvort ég megi ekki fara og spjalla við hann, hún segir já við því.“
Auðunn vildi fara og spjalla við Welbeck um árið 2014 þegar hann fór frá United til Arsenal. „Ég fer og sest hjá honum og segi ´Hi Danny, I´am a huge Man United fan, was it hard to leave United for Arsenal?. Hann er að fara að svara mér, þá koma vinir hans og segja mér að hann sé í fríi og að láta hann í friði.“
„Ég fer og sest á mitt borð og Rakel spyr hvort hann hafi ekki viljað tala við mig, ég segi henni að vinir hans hafi ekki viljað það.“
Þarna var ekki öllu lokið en Rakel sem eigandi staðarins lét til sín taka. „Það líður svona korter, þá kemur Welbeck og sest hjá mér með drykk. Hann biðst afsökunar á vini sínum og segir að þeir séu alltaf að passa hann of mikið. Við spjöllum í korter og svo fór hann.“
„Við fórum og létum þá vita að þú værir með þannig völd að þú gætir lokað þessum stað ef þú værir í þannig stuði og það væri því ekkert vitlaust að tala við þig.“
@epicbettvstory blö
