fbpx
Fimmtudagur 01.desember 2022
Eyjan

Jón og Brynjólfur segja konurnar ljúga og að varaformaðurinn láti hafa sig að fífli

Kristján Kristjánsson
Mánudaginn 19. september 2022 09:00

Frambjóðendur Flokks fólksins á Akureyri í síðustu sveitarstjórnarkosningum. Mynd:Flokkur fólksins

Ekki missa af Helstu tíðindum dagsins í pósthólfið þitt

Lesa nánar

Þrjár konur stigu nýlega fram og báru karla í forystusveit Flokks fólksins á Akureyri þungum sökum. Voru þeir sagðir hafa lítilsvirt konurnar og hunsað, að hafa látið óviðurkvæmileg ummæli falla um þær og einnig var sagt að þær hefðu orðið fyrir kynferðislegri áreitni af hálfu karlanna.

Þetta kom fram í Facebookfærslu Guðmundar Inga Kristinssonar, varaformanns flokksins, síðasta þriðjudag eins og DV skýrði frá.

Kallar stjórn Flokks fólksins saman vegna andlegs ofbeldis, hótana og kynferðislegrar áreitni

Í grein á vef Vísis fjalla þeir Brynjólfur Ingvarsson, geðlæknir,  og Jón Hjaltason, sagnfræðingur, um þessar ásakanir en þeir eru hluti af forystusveit flokksins á Akureyri. Þeir segja að þeim sé gefið að sök að hafa „sífellt lítilsvirt og hunsað“ konurnar þrjár og sagt þær „vitlausar“ og „geðveikar“. Greinin ber fyrirsögnina: Konurnar segja ósatt og varaformaðurinn lætur hafa sig að fífli.

„Þessar ásakanir setja konurnar fram nauðbeygðar „í kjölfar yfirlýsinga varaformanns Flokks fólksins“ sem birst höfðu skömmu áður á fésbókarsíðu varaformannsins. Samhengið hér á milli vekur óneitanlega upp spurningar en spáum ekki í eyður heldur höldum okkur við staðreyndir,“ segja þeir og bæta við að fullyrðingar kvennanna séu eins fjarri sannleikanum og hugsast geti.

Segja þeir að síðan Brynjólfur náði kjöri í bæjarstjórn Akureyrar hafi forystusveit flokksins á Akureyri fundað nokkuð reglulega. Í forystusveitinni eru konurnar þrjár, Brynjólfur og Jón.

„Á þessum trúnaðarfundum hafa þær aldrei – við undirstrikum aldrei – verið lítilsvirtar, hvað þá kallaðar vitlausar eða geðveikar. Þvert á móti hafa þar allir setið við sama borð, verið jafningjar, og þær ekki síður en undirritaðir haft orðið,“ segja þeir.

Þeir víkja síðan að fundinum þann 10. september og segja að þá hafi Málfríður Þórðardóttir mætt grátandi. „Hefur eitthvað komið fyrir, er hægt að gera eitthvað fyrir þig, eigum við ekki að fresta fundi uns þú hefur jafnað þig? Með þessum orðum var tekið á móti henni. Það hvessti hins vegar þegar umræðan hófst um tilraun hennar og stallsystra til að hrekja Brynjólf úr bæjarstjórn. Sem að vísu átti að gerast undir yfirskini mannkærleika. Semja átti „tilmæli“ þar sem Brynjólfur væri hvattur til að taka sér veikindaleyfi sem hafði þó aldrei verið borið undir hann sjálfan, er hann þó læknir að mennt,“ segja þeir í grein sinni um viðbrögðin við komu Málfríðar og því sem á eftir fylgdi.

Segja þeir að Jón hafi þá sagt að hans skoðun væri að ræða hefði átt tilmæli af þessu tagi fyrst við meintan sjúkling og beindi hann þeirri spurningu til Málfríðar hvort hún væri því ósammála. Segja þeir að hún hafi ítrekað vikið sér undan að svara. Þá hafi Jón barið í borðið og heimtað ákveðið svar. „Þetta er allt „ofbeldið“ sem þessar konur geta mögulega kvartað undan,“ segja þeir í greininni.

„Að lokum um hið „kynferðislega áreiti“ sem „sumar okkar“ hafa orðið fyrir svo vitnað sé beint í skrif kvennanna. Okkur setur einfaldlega hljóða við þessi orð og áleitin spurning situr eftir: Hversu lágt getur mannskepnan lagst til að koma höggi á náunga sinn?“ segja þeir og ítreka síðan kröfu sína um að konurnar þrjár dragi ummæli sín til baka og biðjist opinberlega afsökunar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Þórdís Kolbrún heimsækir Kænugarð – Segir að Úkraína muni vinna þrátt fyrir sprengjuregn Rússa og villimannslega grimmd þeirra

Þórdís Kolbrún heimsækir Kænugarð – Segir að Úkraína muni vinna þrátt fyrir sprengjuregn Rússa og villimannslega grimmd þeirra
Eyjan
Fyrir 3 dögum

Þröng fjárhagsstaða sveitarfélaga – Leita leiða til að hagræða í rekstri sínum

Þröng fjárhagsstaða sveitarfélaga – Leita leiða til að hagræða í rekstri sínum
Eyjan
Fyrir 5 dögum

Svavar til liðs við Hjálparstarf kirkjunnar

Svavar til liðs við Hjálparstarf kirkjunnar
Eyjan
Fyrir 6 dögum

Slitu viðræðum við Samtök atvinnulífsins í gærkvöldi

Slitu viðræðum við Samtök atvinnulífsins í gærkvöldi
Eyjan
Fyrir 6 dögum

Ríkisendurskoðun hjólar í Bankasýsluna – „Skýrslan stendur því óhögguð“

Ríkisendurskoðun hjólar í Bankasýsluna – „Skýrslan stendur því óhögguð“
Eyjan
Fyrir 6 dögum

Stefnir í „breiða“ ríkisstjórn í Danmörku

Stefnir í „breiða“ ríkisstjórn í Danmörku
Eyjan
Fyrir 1 viku

Origo bakhjarl Gulleggsins 2023

Origo bakhjarl Gulleggsins 2023
Eyjan
Fyrir 1 viku

Skiptum lokið eftir sex ár – 984 milljón króna gjaldþrot eins elsta verktakafyrirtækis landsins

Skiptum lokið eftir sex ár – 984 milljón króna gjaldþrot eins elsta verktakafyrirtækis landsins