fbpx
Miðvikudagur 06.júlí 2022
Eyjan

Hótanir Pútín hafa öfug áhrif – Ýta Svíum og Finnland nær NATO

Kristján Kristjánsson
Sunnudaginn 16. janúar 2022 19:00

Fáni NATÓ. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Vladímír Pútín, Rússlandsforseti, hefur krafist þess að Úkraína, Finnland og Svíþjóð fái ekki aðild að NATO. Þessar kröfur hefur hann sett fram í tengslum við mikla hernaðaruppbyggingu Rússa við úkraínsku landamærin. En með þessum kröfum sínum og hótunum sem felast í aðgerðum Rússa hefur Pútín í raun haft öfug áhrif á Svía og Finna.

Bæði ríkin eru utan NATO og hafa alltaf reynt að halda hlutleysi sínu og forðast að taka afstöðu í ýmsum málum til að forðast að styggja Pútín.

En kröfur Rússa til Svía og Finna í tengslum við spennuþrungið ástandið á úkraínsku landamærunum hafa ekki haft þau áhrif sem þeir væntu. Þvert á móti. Bæði Svíþjóð og Finnland virðast nú færast nær NATO.

Rússar hafa sett þær kröfur fram að Úkraína verði aldrei nokkru sinni aðili að NATO og hafa krafist tryggingar frá NATO um að bandalagið veiti Svíþjóð og Finnlandi heldur ekki aðild.

Þetta hefur haft þau áhrif að fólk, sem hefur alltaf verið andsnúið NATO-aðild Svía og Finna, er nú farið að segja að það telji rétt að íhuga að löndin sæki um aðild að bandalaginu.

Magdalena Andersson, forsætisráðherra Svíþjóðar, fundaði nýlega með Sauli Niinistoe, forseta Finnlands, um stöðu mála. Hún ræddi einnig við Jens Stoltenberg, aðalritara NATO, og þakkaði honum fyrir að fundi loknum og sagði í raun að Svíar færist nú nær aðild að NATO.

Svíar standa utan NATO en eiga í samstarfi við bandalagið og her landsins æfir stundum með sveitum NATO. Fyrir tveimur árum samþykkti sænska þingið kvöð fyrir ríkisstjórn landsins um að tryggja nægilega öflugan herafla í landinu til að það geti gengið til liðs við NATO ef þörf krefur. Finnar hafa einnig gefið í skyn að þeir vilji nota svipaða aðferð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 1 viku

Björn Jón skrifar – Tímamótasamningur fyrir hálfri öld

Björn Jón skrifar – Tímamótasamningur fyrir hálfri öld
Eyjan
Fyrir 1 viku

„Af hverju í ó­sköpunum er ekki ráðist að rót vandans?“ spyr Sigmundur Ernir

„Af hverju í ó­sköpunum er ekki ráðist að rót vandans?“ spyr Sigmundur Ernir
Eyjan
Fyrir 2 vikum

Talið öruggt að Kristrún bjóði sig fram til forystu hjá Samfylkingunni

Talið öruggt að Kristrún bjóði sig fram til forystu hjá Samfylkingunni
Eyjan
Fyrir 2 vikum

Þjóðirnar tvær í landinu búa við mismunandi aðstæður segir Ragnhildur – „Alþýðan sem fær e.t.v. brauðmola“

Þjóðirnar tvær í landinu búa við mismunandi aðstæður segir Ragnhildur – „Alþýðan sem fær e.t.v. brauðmola“
Eyjan
Fyrir 2 vikum

Bændasamtökin telja sig vita lausnina á vanda Úkraínu – Tilbúin að veita aðstoð í málinu

Bændasamtökin telja sig vita lausnina á vanda Úkraínu – Tilbúin að veita aðstoð í málinu
Eyjan
Fyrir 2 vikum

Meirihlutinn telur hvalveiðar skaða orðspor landsins

Meirihlutinn telur hvalveiðar skaða orðspor landsins