Fréttablaðið skýrir frá þessu og vitnar í tilkynningu á vef Stjórnarráðsins. Fram kemur að Stígamót hafi að undanförnu lagt áherslu á að efla þjónustu sína og stytta biðtíma eftir viðtali. Eftirspurn eftir þjónustu hefur aukist á síðustu misserum í kjölfar umræðu um kynferðisofbeldi. Heimsfaraldur kórónuveirunnar hefur einnig aukið á þjónustuþörfina.
Með styrknum geta samtökin ráðið tvo nýja ráðgjafa og þannig stytt biðtímann eftir viðtali.
„Ofbeldi eykst oft í samfélaginu í kjölfar erfiðra tímabila, líkt og COVID-19 faraldursins. Það er því mjög mikilvægt að við aukum úrræði fyrir einstaklinga sem verða fyrir hvers kyns ofbeldi og greiðum aðgengi þeirra að þjónustunni. Stígamót hafa um áratugaskeið unnið vandað og mikilvægt starf með þolendum kynferðisofbeldis og stuðningurinn við samtökin er hluti af félagslegum aðgerðapakka þar sem við ætlum að grípa þá hópa sem verða fyrir miklum áhrifum vegna faraldursins.“
Er haft eftir Ásmundi Einari í tilkynningu.