Morgunblaðið hefur ekki veigrað sér við að gagnrýna borgarstjóra Reykjavíkur, Dag B. Eggertsson í ritstjórnarefni sínu. Einn ritstjórnarliður blaðsins, Staksteinar, gagnrýnir borgarstjóra einmitt í dag fyrir framgöngu borgarstjórnar í Miðborginni.

Borgarstjórn er í Staksteinum dagsins sökuð um óboðlega fyrirlitningu á sjónarmiðum annarra.

„Miðbær borgar má sín einskis ef engir fást í það hlutverk að gæða starfsemi hans lífi svo að öflugur miðbær fái þrifist“ 

Borgarstjórn hafi eytt ómældu fé í uppbyggingu á almenningssamgöngum sem borgarbúar séu nánast þvingaðir til að nota.

„Borgaryfirvöld eru illa haldin af andúð og hatri á þörfustu þjónustufyrirtækjum þeirra sem í borginni búa. Gríðarlegum fjármunum hefur verið varið til að byggja upp kerfi strætisvagna og iðulega sett og auglýst háreist markmið. En aldrei tekist þó að fá þennan þátt til að anna meira en 4% af flutningsþörfinni! Og þá eru viðbrögðin þau að reyna að þvinga borgarbúa nauðuga í vagnana með því að gera borgina illfæra fyrir aðra umferð“ 

Dagur kippir sér þó lítið upp við gagnrýnina. Um sé að ræða stefnu borgarinnar í umhverfismálum og stefnufestu í þeim málaflokk. Það sé nokkuð sem Dagur er stoltur af.

„Er nokkuð vanur því að vera skammaður í Staksteinum Mogga og ritstjórnargreinum – og oft er langt seilst. Skammir dagsins eru beinlínis fyrir stefnufestu í grænum málum, göngugötum og Borgarlínu. Gengst glaður við því. Þurfum einmitt stefnufestu til að tryggja græna framtíð.“ 

Er nokkuð vanur því að vera skammaður í Staksteinum Mogga og ritstjórnargreinum – og oft er langt seilst. Skammir dagsins eru beinlínis fyrir stefnufestu í grænum málum, göngugötum og Borgarlínu. Gengst glaður við því. Þurfum einmitt stefnufestu til að tryggja græna framtíð! pic.twitter.com/ZAFbCPACF8

— dagur@reykjavik.is (@Dagurb) July 2, 2020