fbpx
Þriðjudagur 02.júní 2020
Eyjan

Hörður -„Verði það tækifæri ekki nýtt þá geta menn bara slökkt ljósin“ – Segir Sólveigu gengna af göflunum

Ritstjórn Eyjunnar
Föstudaginn 21. febrúar 2020 09:44

Hörður Ægisson og Sólveig Anna Jónsdóttir, formaður Eflingar. Þau eru yfirleitt á öndverðum meiði.

Ekki missa af Helstu tíðindum dagsins í pósthólfið þitt

Lesa nánar

„Tíminn vinnur ekki með okkur,“ segir Hörður Ægisson, ritstjóri Markaðarins í leiðara Fréttablaðsins í dag. Hann segir fátt vinna með Íslandi í efnahagsmálum þessa stundina og telur blikur vera á lofti:

„Samtals eru um 9.600 manns á atvinnuleysisskrá og hefur fjöldinn ekki verið meiri frá því í maí 2012. Atvinnuleysi mælist 4,8 prósent og fjölgaði þeim sem voru án atvinnu um rúmlega þúsund í janúar. Það er sambærilegt við það að milljón manns hefðu misst vinnuna í Bandaríkjunum á aðeins einum mánuði. Fátt bendir til annars en að ástandið eigi eftir að versna enn frekar áður en það skánar, en leiðandi hagvísir Analytica, sem gefur vísbendingar um umsvif í hagkerfinu að sex mánuðum liðnum, gefur til kynna talsverðar líkur á stöðnun eða efnahagssamdrætti.“

Gengin af göflunum

Hann segir lítil og meðalstór fyrirtæki berjast í bökkum og gjaldþrot blasi við og stenst ekki freistinguna að senda Eflingu pillu:

„Þessi veruleiki er öllum augljós sem kjósa að setja ekki kíkinn fyrir blinda augað en engu að síður er það mat sumra verkalýðsfélaga að nú sé rétti tíminn til að ganga af göflunum í óumsemjanlegum kröfum sínum á hendur hinu opinbera.“

Hörður telur ljóst að Seðlabankinn muni halda áfram að lækka vexti, en það sé ekki nóg:

„Vandinn, sem er í senn kerfislægur og heimatilbúinn, er að miðlunarferlið er ekki að virka sem skyldi og því hafa fyrirtæki ekki notið ávinnings lægri vaxta. Verði ekkert að gert, meðal annars með ráðstöfunum er lúta að minni eiginfjárkröfum á banka, lækkun bindiskyldu, lægra tryggingagjaldi og stórauknum fjárfestingum ríkisins, verður niðursveiflan dýpri og langvinnari – algjörlega að óþörfu enda hafa stjórnvöld það í hendi sér að snúa við þessari stöðu.“

Lilja vaknaði fyrst

Lilja Alfreðsdóttir, mennta- og menningarmálaráðherra, braust óvænt fram á sjónarsvið efnahagsmálanna í gær er hún sagði nauðsynlegt að ríkið hæfi framkvæmdir fyrir tugmilljarða, til að fá innspýtingu inn í kerfið. Báru margir lof á Lilju fyrir að vera sú fyrsta innan ríkisstjórnarinnar til að viðurkenna ástandið og bregðast við:

„Er ríkisstjórnin sofandi? Svo hefur virst að undanförnu en það kann að breytast. Lilja Alfreðsdóttir menntamálaráðherra hefur með afgerandi hætti nú lýst því yfir að nauðsynlegt sé að bregðast hratt við versnandi efnahagshorfum. Þannig eigi bæði að flýta og auka umfang þeirrar fjárfestingar sem áður hafði verið boðuð í fjármálaáætlun ríkisins, að minnsta kosti um fimmtíu milljarða, og eins sé mikilvægt að lækka eiginfjárauka á viðskiptabankana til að auka útlánagetu þeirra. Taka þarf ákvarðanir um slíkar ráðstafanir, ásamt fleirum, á allra næstu vikum,“

segir Hörður og bætir við að nú hljóti að taka við stefnubreyting, ellegar sé svartnætti fram undan:

„Ný fjármálastöðugleikanefnd sem seðlabankastjóri fer fyrir hlýtur þannig að breyta um kúrs og snúa við fyrri ákvörðunum sem teknar voru á vettvangi kerfisáhættunefndar um að þrengja enn að bankakerfinu með hækkun sveiflujöfnunaraukans ofan á eiginfjárkröfur sem fyrir voru þær hæstu í Evrópu. Ólíkt flestum öðrum ríkjum geta íslensk stjórnvöld, ríkisstjórnin og Seðlabankinn, gripið til fjölmargra aðgerða, á grunni sterkar stöðu þjóðarbúsins, til að skapa forsendur fyrir efnahagslegri viðspyrnu. Verði það tækifæri ekki nýtt þá geta menn bara slökkt ljósin.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 dögum

Framganga Áslaugar sögð losa Ísland af gráa listanum fyrr en ella

Framganga Áslaugar sögð losa Ísland af gráa listanum fyrr en ella
Eyjan
Fyrir 4 dögum

Mogginn ver Trump og gagnrýnir Twitter– „Slá sig til riddara á sem ódýrastan hátt“

Mogginn ver Trump og gagnrýnir Twitter– „Slá sig til riddara á sem ódýrastan hátt“
Eyjan
Fyrir 6 dögum

Mútugreiðslur í Namibíu sagðar umfangsmeiri en áður var talið – Íslensk stjórnvöld talin ósamvinnuþýð

Mútugreiðslur í Namibíu sagðar umfangsmeiri en áður var talið – Íslensk stjórnvöld talin ósamvinnuþýð
Eyjan
Fyrir 6 dögum

Kristján Þór óvinsælasti ráðherrann samkvæmt Gallup

Kristján Þór óvinsælasti ráðherrann samkvæmt Gallup