fbpx
Þriðjudagur 15.október 2019  |
Eyjan

Brynjar kallar Ragnar Þór froðusnakk og líkir honum við Ragnar Reykás

Ágúst Borgþór Sverrisson
Sunnudaginn 6. október 2019 14:42

Ekki missa af Helstu tíðindum dagsins í pósthólfið þitt

Lesa nánar

„Er einhver munur á Ragnari Þór og Ragnari Reykás?“ spyr Brynjar Níelsson, þingmaður Sjálfstæðisflokksins, í nýrri FB-færslu þar sem hann gagnrýnir harðlega Ragnar Þór Ingólfsson, formann VR, og segir hann fara með „almennt froðusnakk“. Brynjar og Ragnar voru báðir þátttakendur í umræðum í Silfrinu á RÚV í dag þar sem rætt var um þróun mála í fjármálakerfinu, erfiða stöðu fjárfestingafélagsins GAMMA, sölu bankanna, fækkun bankastarfsfólks, átök í lífeyrissjóðum og fleira.

Brynjar telur Ragnar vera mann einfaldra og yfirborðslegra lausna. Hann gagnrýnir Ragnar líka harðlega fyrir að vilja afskipti stjórnmálamanna af starfsemi lífeyrissjóðanna. Texti Brynjars er eftirfarandi:

Var í Silfrinu áðan með Ragnari Þór Ingólfssyni, sem er eins og margar alþýðuhetjur með einfaldar lausnir og almennt froðusnakk. Hann telur rétt að lífeyrissjóðirnir hafi samráð um vexti svo einstakir sjóðir séu ekki alltaf að lækka þá umfram aðra. Til þess eigi að stofna miðlægan sjóð eða samfélagsbanka sem láni til íbúððarkaupa. Við eigum einn slíkan, sem heitir Íbúðalánasjóður og hefur kostað skattgreiðendur á annað hundruð milljarða. Ragnar má taka hann yfir endurgjaldslaust mín vegna.

Ragnar Þór er ennfremur mjög undrandi yfir því af hverju stjórnmálamenn hafi ekki tekið fram fyrir hendurnar á stjórnendum Landsbankans vegna byggingar höfuðstöðva á dýrustu lóð landsins. Ragnar er kannski búinn að gleyma þeirri kröfu almennings að stjórnmálamenn væru ekki með puttana í einstökum ríkisfyrirtækjum og stofnunum. Það var kallað spilling. Er einhver munur á Ragnari Þór og Ragnari Reykás?

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 dögum

Ólafur Ragnar: Kína ein stærsta ógnin við framtíð Norðurskautsins – Bregðist norðurslóðasamvinnan sé jörðin „töpuð“

Ólafur Ragnar: Kína ein stærsta ógnin við framtíð Norðurskautsins – Bregðist norðurslóðasamvinnan sé jörðin „töpuð“
Eyjan
Fyrir 4 dögum

Hyggst efla starfsemina á fæðingarstað Jóns Sigurðssonar á Hrafnseyri

Hyggst efla starfsemina á fæðingarstað Jóns Sigurðssonar á Hrafnseyri