fbpx
Miðvikudagur 30.september 2020
Eyjan

Femínistar fordæma grein Áslaugar um þolendur kynferðisbrota – „Afar sérstakt“ segir dómsmálaráðherra

Ritstjórn Eyjunnar
Miðvikudaginn 16. október 2019 18:02

Ekki missa af Helstu tíðindum dagsins í pósthólfið þitt

Lesa nánar

Áslaug Arna Sigurbjörnsdóttir dómsmálaráðherra skrifaði grein í Morgunblaðið í dag líkt og Eyjan greindi frá í morgun. Fjallaði hún um að Áslaug ætlaði sér að innleiða mannlegri umgjörð fyrir þolendur kynferðisbrota:

„Kerfið þarf að vera mannlegt og til þess fallið að veita brotaþolum skjól. Ég mun beita mér fyrir því að svo verði.“

Þeir, þær og þau

Grein Áslaugar hefur þó ekki fallið í kramið hjá femínistunum Hildi Lilliendahl og Sóley Tómasdóttur, sem gagnrýna Áslaugu fyrir karllæga orðanotkun í eftirfarandi málsgrein:

„Þeir sem kæra kynferðisafbrot þurfa að vera þess fullvissir að tekið verði á málum þeirra af fagmennsku.“

Hildur segir um málsgreinina:

„Þeir sem kæra kynferðisbrot.“ Þeir.

Sóley bendir á að í langflestum tilvikum séu það konur sem kæri kynferðisbrot og því væri nærtækara að nota orðið þær, eða þau:

„Fólk er ekki í karlkyni.“

Áslaug Arna svarar um hæl:

„Það hefði mátt nota „þau“ í þessu tilviki. Breytir þó ekki mikilvægi efnis greinarinnar og þó ég nota fornafnið „þeir“ var það að sjálfsögðu ætlunin að vísa í alla þá einstaklinga og aðila sem kæra kynferðisbrot í íslensku kerfi.“

Karllægni tungumálsins

Þessu svarar Sóley:

„Algerlega sammála því að það er gott og mikilvægt að vinna að úrbótum á meðferð kynferðisafbrota. En það er líka mikilvægt – og raunar hluti af því að breyta menningu samfélags þar sem nauðganir þrífast – að draga úr karllægni tungumálsins.“

Þá segir Áslaug:

„Einmitt. En í upphafi þessarar greinar geng ég út frá orðinu brotaþolar og vísa í þá framvegis út greinina. Að hengja sig á það í þessari grein finnst mér afar sérstakt.“

Sóley svarar og segir óþarfi hjá ráðherranum að hrökkva í vörn:

„Ég er ekkert að hengja mig sko. Bara að benda á hlut sem betur mætti fara og hefur ítrekað verið bent á í femínískri umræðu. Það er rosalega auðvelt að hrökkva í vörn og réttlæta karllægnina, en það er líka bara vel hægt að taka athugasemdum og bæta sig næst :)“

Enn sem komið er virðist Sóley hafa haft síðasta orðið í þessum samskiptum og mun dómsmálaráðherra eflaust hugsa sig tvisvar um næst þegar hún skrifar á þessum nótum.

 

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 4 dögum

Deilurnar um Sundabraut – Mögulega önnur stórframkvæmd brýnni

Deilurnar um Sundabraut – Mögulega önnur stórframkvæmd brýnni
Eyjan
Fyrir 4 dögum

Viðreisn: „Meinsemd íslenskra stjórnmála er kjarkleysi „

Viðreisn: „Meinsemd íslenskra stjórnmála er kjarkleysi „
Eyjan
Fyrir 5 dögum

Kristján hjólar í atvinnurekendur- „Þetta hefur þú aldrei lesið í fréttum“

Kristján hjólar í atvinnurekendur- „Þetta hefur þú aldrei lesið í fréttum“
Eyjan
Fyrir 5 dögum

Ásmundur Einar leggur til styttingu á tökutímabili fæðingarorlofs – Aðeins einn mánuður til skiptana

Ásmundur Einar leggur til styttingu á tökutímabili fæðingarorlofs – Aðeins einn mánuður til skiptana
Eyjan
Fyrir 6 dögum

Ragnar Þór vill að Guðrún Hafsteinsdóttir verði sett af og segir að Fréttablaðið sé í herferð gegn sér

Ragnar Þór vill að Guðrún Hafsteinsdóttir verði sett af og segir að Fréttablaðið sé í herferð gegn sér
Eyjan
Fyrir 6 dögum

Segir forsendur lífskjarasamninga brostnar – „Þetta er ekki „grímulaus hræðsluáróður auðvaldsins“

Segir forsendur lífskjarasamninga brostnar – „Þetta er ekki „grímulaus hræðsluáróður auðvaldsins“