Mánudagur 24.febrúar 2020
Eyjan

Fannst miður að þurfa að sitja fund með Klaustursþingmanni: „Staða sem er ekki bjóðandi“

Erla Dóra Magnúsdóttir
Mánudaginn 4. mars 2019 21:06

Ekki missa af Helstu tíðindum dagsins í pósthólfið þitt

Lesa nánar

Kvenréttindafélag Íslands og Femínistafélag Háskóla Íslands segja það miður að þurfa að sitja fundi með aðilum sem hafa tekið þátt í hatursorðræðu líkt og átti sér stað á Klaustur bar í nóvember síðast liðnum.

Fundur var haldinn í velferðarnefnd Alþingis í dag  þar sem meðal annars þungunarfrumvarpið var á dagskrá. Gestir fundarins voru fulltrúar frá Kvenréttindafélagi Íslands og Femínistafélagi Háskóla Íslands.

Á fundinum var lesin upp yfirlýsing stjórnar Kvenréttindafélagsins þar sem félagið sagði það miður að þurfa að sitja fund með aðilum sem hefðu tekið þátt í hatursorðræmi  með þeim hætti og átti sér stað á Klausturbar í nóvember.

Á fundinum sat Anna Kolbrún Árnadóttir þingkona Miðflokksins, sem var einn af þeim þingmönnum sem tóku þátt í niðrandi orðræðu á Klaustursbar. Orðræðan sem var afar niðrandi beindist meðal annars að kvenkyns kollegum Klaustursmanna sem og fötluðum, svo dæmi séu tekin.

Þetta staðfesti Fríða Rós Valdimarsdóttir, formaður Kvenréttindafélags Íslands, í samtali við blaðamann.

„Okkur þykir miður, stjórn Kvenréttinda félagsins, að við þurfum að sitja fundi með fólki sem hélt fram slíkri hatursorðræðu og fólkið gerði á Klaustri í nóvember.“

„Við ákváðum samt að sitja fundinn, af því við viljum ekki að, út af þessu, sé okkar skoðunum og sýn úthýst. Þetta er samt staða sem er ekki bjóðandi.“

Ekki í fyrsta sinn

Fríða segir þetta ekki vera fyrsta skiptið sem fulltrúar Kvenréttindafélagsins þurfi að sitja fundi með þeim þingmönnum sem voru á Klaustursupptökunum, þetta sé þó í fyrsta sinn sem þau gefi frá sér yfirlýsingu með þessum hætti

„Anna Kolbrún er í nefndinni og mætti á fund. við sendum þessa yfirlýsingu líka frá okkur til nefndarsviðs fyrir fundinn.“ 

Fulltrúar frá Femínistafélagi Háskóla Íslands sátu einnig fundinn og tóku undir yfirlýsinguna. Fríða segir að viðbrögð við yfirlýsingunni hafi verið lítil sem engin.

„Á fundinum sjálfum fengum við engin viðbrögð en eftir fundinn þá fengum við hrós fyrir að koma með þessa yfirlýsingu.“

Engin viðbrögð

Anna Kolbrún sjálf brást í engu við yfirlýsingunni.

„Ekki neitt á fundinum, engar spurningar eða  neitt“

Eins og áður segir sátu gestir fundarins áfram eftir að yfirlýsingin var lesin enda þungunarfrumvarpið til umræðu sem Fríða segir mikilvægt.

„Það er mikilvægt að fá þessi lög í gegn.“

Fríða furðar sig á því hvernig Alþingi vann úr Klausturs-málinu og segir það alveg ólíðandi að þolendur hatursorðræðu þurfi að mæta til vinnu með gerendum sínum.

„Það bara svíður að þurfa að horfa upp á þetta.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Samkomulagi náð um útlínur kjarasamnings

Samkomulagi náð um útlínur kjarasamnings
Eyjan
Fyrir 3 dögum

Kolbrún segist hæfari en Stefán og er tilbúin að kæra – „Tel líkur á að ég hafi verið órétti beitt“

Kolbrún segist hæfari en Stefán og er tilbúin að kæra – „Tel líkur á að ég hafi verið órétti beitt“
Eyjan
Fyrir 4 dögum

Borgin hafnaði tilboði Eflingar: Segja Reykjavíkurborg hafa slegið á útrétta sáttahönd láglaunafólks

Borgin hafnaði tilboði Eflingar: Segja Reykjavíkurborg hafa slegið á útrétta sáttahönd láglaunafólks
Eyjan
Fyrir 4 dögum

Tekur við formennsku í Heimsráði kvenleiðtoga

Tekur við formennsku í Heimsráði kvenleiðtoga
Eyjan
Fyrir 4 dögum

Sjálfstæðisflokkur og Vinstri grænir ná vopnum sínum í Norðvesturkjördæmi

Sjálfstæðisflokkur og Vinstri grænir ná vopnum sínum í Norðvesturkjördæmi
Eyjan
Fyrir 4 dögum

Svandís útdeildi 90 milljónum til 144 lýðheilsuverkefna – Sjáðu listann

Svandís útdeildi 90 milljónum til 144 lýðheilsuverkefna – Sjáðu listann