Björt Ólafsdóttir umhverfisráðherra biðst innilegrar afsökunar á að hafa misboðið fólki í tengslum við „stóra kjólamálið“ eins og hún orðar það. Björt hefur verið harðlega gagnrýnd vegna málsins og finnst mörgum að hún hafi vegið að virðingu Alþingis og hafi misnotað aðstöðu sína sem ráðherra til að auglýsa kjól.

Sjá frétt: Björt hlær að gagnrýninni: Bindi myndi fara með feðraveldið

Sjá frétt: Björt ítrekar að hún hafi ekki brotið neinar reglur

Stóra kjólamálið er orðið dálítið mikið um sig. Ég viðurkenni það fúslega að mín fyrstu viðbrögð við því voru einmitt það- mjög viðbragðs og tilfinningatengd. Það getur pirrað ráðherra eins og hvern annan að undirtónn um klæðaburð sé alltumlykjandi,

segir Björt, en hún segir það ekki höfuðmálið:

Ég sýndi dómgreindarleysi með því að flögra um þingsalinn stolt af þeirri hönnun sem ég stóð í og stolt yfir að vera kona í því hlutverki sem ég er og að leyfa mér að upphefja kvenleikann inni í þingsal sem svo ljósmyndari festi á filmu. Þau skilaboð eru fólki ekki greinilega ekki efst í huga, og þessi uppsettning því vanhugsuð því hún tengir við einkafyrirtæki.

Ég biðst innilegrar afsökunar á því að hafa misboðið fólki með því. Síst af öllu vildi ég það. En ég held áfram að læra.