Orðræða sem ber vitni um kynþáttafordóma, ekki síst gegn múslimum, hefur aukist á Íslandi á undanförnum árum. Yfirvöld hér á landi eiga að beita sér gegn hatursorðræðu á netinu sem er orðið vandamál hér á landi. Þetta kemur fram í skýrslu nefndar Evrópuráðsins gegn kynþáttafordómum og umburðarleysi sem birt var í morgun og greint er frá á vef RÚV.

Um er að ræða skýrslu sem er gerð meðal 47 aðildarríkja Evrópuráðsins, unnið er í tíu löndum árlega og er því gerð svona skýrsla hér á landi á rúmlega fimm ára fresti. Þegar niðurstöður nefndarinnar eru bornar saman við niðurstöðurnar hér á landi árið 2011 kemur í ljós að talsverðar framfarir hafa átt sér stað á ýmsum sviðum, er sérstaklega nefnt að ráðið hefur verið í sérstakt stöðugildi hjá lögreglunni sem rannsakar hatursglæpi og að settur hefur verið upp gagnagrunnur til að fylgjast með hatursorðræðu á netinu.

Skoðanir stjórnmálamanna gegn mosku sérstaklega nefndar

Þó svo að ekkert bendi til þess að framin hafi verið ofbeldisverk hér á landi sem séu tilkomin vegna fordóma, og að hér á landi ríki að mestu jákvæð viðhorf í garð hinsegin fólks, þá er lagt er til að ákvæði verði tekið upp í hegningarlögum möguleiki á að auka refsiþyngd ef fordómar liggja að baki broti.

Varðandi orðræðu sem bera vitni um kynþáttafordóma er sérstaklega nefndar skoðanir íslenskra stjórnmálamanna í kjölfar ákvörðunar borgarstjórnar Reykjavíkur að úthluta lóð til byggingar mosku í Sogamýri, eru skoðanirnar sagðar fordómafullar og skaðlegar.