Gildir frá 4. til 10. ágúst
Hrútur
21. mars–19. apríl
Þú þarft aðeins að gæta orða þinna í þessari viku. Þú gætir komið einhverjum í uppnám ef þú veður áfram án þess að setja þig í spor annarra. Svo skaltu muna eitt, elsku hrútur; þú ert ofboðslega góður í að sjá það góða í öðrum en í þessari viku skaltu einbeita þér að því að sjá hverjir þínir kostir eru.
Naut
20. apríl–20. maí
Manneskja sem þú þekkir lítillega reynir að troða þér um tær í þessari viku og þú þarft að standa afar fast á þínu. Svo er eitthvert uppnám í fjölskyldu þinni sem þú þarft að einbeita þér að. Þú þarft að standa sterk/ur og setja þig í hlutverk málamiðlara sem reynir að lægja öldurnar, eins fljótt og hægt er.
Tvíburar
21. maí–21. júní
Það er eitthvað mikið að gerjast innra með þér og það kemur að því að þú springur með allt sem þú hefur látið ósagt. Þú þarft að vanda þig í samskiptatækni þinni því það er erfitt að tala við manneskju sem hefur látið öll vandamál malla í alltof langan tíma. Hættu síðan að velta þér upp úr fortíðinni og horfðu fram á við.
Krabbi
22. júní–22. júlí
Krabbinn er gæddur mögnuðum persónuleika. Þú ert fyndin/n, sjarmerandi og lífsglöð/glaður en hins vegar áttu það til að vera langrækin/n ef einhver brýtur trúnað þinn. Það er nákvæmlega það sem gerist í þessari viku og er gott tækifæri fyrir þig að fara yfir þá sem standa þér nærri og hverjir eiga skilið tíma þinn.
Ljón
23. júlí–22. ágúst
Þú stendur frammi fyrir erfiðu vali í þessari viku – hvort þú eigir að láta eins og ekkert sé og halda áfram eða hlusta á hjartað og breyta til. Þessi ákvörðun tengist fjölskyldu þinni og/eða vinum. Hún er erfið og ekki tekin án umhugsunar, en þú verður að taka hana.
Meyja
23. ágúst–22 .september
Stundum er gott að viðurkenna vanmátt sinn og það er eitthvað sem meyjan má tileinka sér. Þú veist ekki allt og þú þarft ekki að vita allt. Í vinnunni skaltu umkringja þig fólki sem þú treystir og sem er þér fróðara. Það á eftir að koma þér langt. Einkalífið hins vegar blómstrar og þú skalt ávallt muna að veita maka þínum þá athygli sem hann á skilið.
Vog
23. september–22. október
Þér líður svo vel núna og það geislar af þér. Einhleypar vogir mega eiga von á því að kikna í hnjáliðunum yfir vissri manneskju sem gæti leitt af sér meira en bara einnar nætur gaman. Í svefnherberginu er vogin til í alls kyns tilraunir og gjörsamlega fer á kostum í alls kyns leikjum og gátum.
Sporðdreki
23. október–21. nóvember
Það er komið að því að þú setjist niður með maka þínum og þið ræðið af alvöru hvernig þig sjáið framtíðina fyrir ykkur. Þið eruð búin að eyða of miklum tíma í að reyna að giska á hvað þið viljið frá hvort öðru en nú verðið þið að ákveða veginn fram á við. Þetta er alls ekki íþyngjandi eða erfitt verkefni, heldur fyrst og fremst nauðsynlegt.
Bogmaður
22. nóvember–21. desember
Þú ert á miklu flugi í vinnunni þessa dagana og sköpunargáfa þín er í botni. Þú virðist svífa um á skýi metnaðar og dugnaðar svo tekið er eftir. Vissulega reyna þá einhverjir vinnufélagar að ná þér niður af þessu skýi en þú lætur ekki segjast. Þú veist hvert þú ert að fara og þú sannfærir fólkið í kringum þig með húmorinn að vopni.
Steingeit
22. desember–19. janúar
Það er mikið að gerast í fjölskyldu þinni og þú hefur áhyggjur af manneskju sem stendur þér mjög nærri. Þú ert skipulögð/lagður og skynsöm/samur í eðli þínu en því miður geta ekki allir verið eins og þú. Nú er mikilvægt fyrir þig að vera til staðar þegar að eitthvað kemur upp á og sýna stuðning í verki.
Vatnsberi
20. janúar–18. febrúar
Þú ert friðarsinni og á það reynir í vikunni. Manneskjur sem standa þér nærri eru afbrýðisamar út í aðra manneskju í ykkar innsta hring. Ef það er eitthvað sem þú þolir ekki þá er það afbrýðisemi og öfund og þú þarft að taka á honum stóra þínum til að reyna að koma öllu í samt horf.
Fiskar
19. febrúar–20. mars
Þú hefur tekið aðeins of mikið á þig, og inn á þig, upp á síðkastið og nú er komið að slökunartíma. Það er skemmtilegt ferðalag í vændum þar sem þú getur núllstillt þig og forgangsraðað betur, þannig að þú setjir þig sjálfa/n ekki alltaf í seinasta sæti.
4. ágúst – Steingrímur J. Sigfússon alþingismaður, 64 ára
5. ágúst – Rósa Ingólfsdóttir sjónvarpsstjarna, 72 ára
7. ágúst – Valdimar Guðmundsson tónlistarmaður, 34 ára
8. ágúst – Mikael Torfason skáld, 45 ára
9. ágúst – Inga Björk Andrésdóttir listakona, 37 ára
10. ágúst – Dagný Brynjarsdóttir knattspyrnukona, 28 ára
