fbpx
Föstudagur 04.júlí 2025
Fréttir

Theódóra ósátt við Arnarlandsskipulagið – „Mér finnst þessi viljayfirlýsing koma tveimur til þremur árum of seint“

Kristinn H. Guðnason
Sunnudaginn 2. febrúar 2025 11:30

Theódóra er á móti skipulagi nágranna sinna í Garðabæ og segir byggingarmagnið allt of mikið.

Ekki missa af Helstu tíðindum dagsins í pósthólfið þitt

Lesa nánar

Bæjarfulltrúi í Kópavogi segir að sér finnist byggingarmagn í nýju Arnarlandshverfi í Garðabæ allt of mikið og umferðarmælingar ekki sannfærandi. Hún furðar sig á Garðabær og Kópavogur séu núna að skiptast á landi, eftir að Kópavogur er búinn að skila inn lokaumsögn um hverfið.

„Kópavogsbær hefur verið umsagnaraðili að þessu skipulagi síðan árið 2022 og nýlega var lögð fram lokaumsögn. Við höfum ítrekað bókað að það þurfi að ganga frá þessum bæjarmörkum. En núna fyrst kemur fram viljayfirlýsing á milli bæjarstjóranna í Garðabæ og Kópavogi að það eigi að fara af stað með að ganga frá skipulaginu,“ segir Theódóra S. Þorsteinsdóttir, bæjarfulltrúi Viðreisnar í Kópavogi. „Mér finnst þessi viljayfirlýsing koma tveimur til þremur árum of seint.“

Um er að ræða drög að viljayfirlýsingu bæjarstjóranna Almars Guðmundssonar í Garðabæ og Ásdísar Kristjánsdóttur í Kópavogi um skipti lands vegna Arnarlands. En það er umdeilt hverfi sem á að rísa á svokölluðum Arnarneshálsi í Garðabæ.

Umdeilt hverfi

Mikið hefur verið fjallað um skipulag hverfisins, sem er mun háreistara en hverfin í kring. Í hverfinu eiga að vera um 500 íbúðir og mörg verslunar og þjónustufyrirtæki. Íbúar í Akrahverfi í Garðabæ og Smárahverfi í Kópavogi hafa kvartað, bæði út af aukinni umferð, sem og minna útsýni. En í hverfinu eiga að rísa háir turnar sem sumir íbúar í Smárahverfi segi að svipti þá útsýni yfir Kópavoginn. Þá hefur það verið gagnrýnt að Borgarlínan er teiknuð inn í hverfið en óvíst er hvar hún mun liggja.

Of mikið byggingarmagn

Kvartanir hafa ekki aðeins borist bæjarstjórn Garðabæjar, sem hefur minnkað byggingarmagnið, heldur einnig bæjarstjórn Kópavogs.

„Þetta er allt of mikið byggingarmagn á þessu svæði,“ segi Theódóra. „Það er líka mörgum spurningum ósvarað. Mér finnst umferðarmælingarnar ekki mjög sannfærandi og svo liggur ekki fyrir hvort Borgarlínan fari þarna í gegn eða ekki.“

Garðabær háður Kópavogi

Bendir Theódóra á að Garðabær sé háður Kópavogi hvað þetta mál varðar. Meðal annars vegna umferðar og gert sé ráð fyrir Borgarlínu í gegnum lóð í Kópavogi sem er ekki skipulögð. Bókaði hún gegn viljayfirlýsingu bæjarstjóranna og hafnaði skipulaginu.

Sjá einnig:

Félagið Arnarland sé með Garðabæ í vasanum – „Það er verið að setja nýja Kringlu á pinkulítið svæði“

„Mér heyrist að það sé komin einhver tillaga um útfærslu fyrir ný bæjarmörk en skipulagsráð hefur ekki séð hana. Þess vegna vil ég ekki að Kópavogsbær veiti umsögn fyrr en allt liggur fyrir. Þess vegna bókaði ég undir viljayfirlýsingunni og hafnaði umsögninni,“ segir Theódóra. „Ég get ekki unnið svona.“

Of mikill hávaði

Mál Arnarlands voru einnig nýlega tekin fyrir á fundi Heilbrigðisnefndar Garðabæjar, Hafnarfjarðar, Kópavogs, Mosfellsbæjar og Seltjarnarness. Þar var sagt að nefndin hefði viljað sjá heildstæðari umferðarhönnun inn og út úr hverfinu og lagt var áherslu á að sveitarfélögin ynnu að lausn saman.

Einnig var nefnt að bæta þyrfti mótvægisaðgerðir vegna hljóðmengunar og ítarlegri kröfur þyrfti að gera til húsnæðisins vegna lyktar og hljóðmengunar. Sem og að efla þyrfti fráveituna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

David endar á Ítalíu
Fréttir
Fyrir 20 klukkutímum

Stefán æfur yfir Palestínufána og kallar Alexöndru kynskipting – „Við vitum hvernig stjórnvöld í Palestínu fara með hennar líka“

Stefán æfur yfir Palestínufána og kallar Alexöndru kynskipting – „Við vitum hvernig stjórnvöld í Palestínu fara með hennar líka“
Fréttir
Fyrir 22 klukkutímum

Ósáttur eftir langa bið og upplýsingaleysi á Keflavíkurflugvelli – „Mikið af eldra fólki og börnum í hópnum sem áttu í basli“

Ósáttur eftir langa bið og upplýsingaleysi á Keflavíkurflugvelli – „Mikið af eldra fólki og börnum í hópnum sem áttu í basli“
Fréttir
Í gær

Úkraínsk sérsveit hefur eyðilagt rússnesk hergögn að verðmæti 660 milljarða

Úkraínsk sérsveit hefur eyðilagt rússnesk hergögn að verðmæti 660 milljarða
Fréttir
Í gær

Kostnaður við starfshópa Guðlaugs Þórs hljóp á hundruð milljónum króna – Flokksgæðingar á lista

Kostnaður við starfshópa Guðlaugs Þórs hljóp á hundruð milljónum króna – Flokksgæðingar á lista
Fréttir
Í gær

P. Diddy aðeins sakfelldur í tveimur ákærulið af fimm – Vægur dómur talinn yfirvofandi

P. Diddy aðeins sakfelldur í tveimur ákærulið af fimm – Vægur dómur talinn yfirvofandi
Fréttir
Í gær

Ása mátti ekki selja jeppa Rex á eBay – „Ef þú ert áhugamaður um glæpasögu þá eiga þessi jeppi og hjólhýsi sína sögu“

Ása mátti ekki selja jeppa Rex á eBay – „Ef þú ert áhugamaður um glæpasögu þá eiga þessi jeppi og hjólhýsi sína sögu“
Fréttir
Í gær

Hvað hefði brúðkaup Bezos kostað á Íslandi? – „Var mjög rausnarlegur og ég komst upp í 2,7 milljarða“ 

Hvað hefði brúðkaup Bezos kostað á Íslandi? – „Var mjög rausnarlegur og ég komst upp í 2,7 milljarða“ 
Fréttir
Fyrir 2 dögum

Guðjón skaut á strandveiðar í skugga banaslyss – „Ertu hálfviti?“

Guðjón skaut á strandveiðar í skugga banaslyss – „Ertu hálfviti?“