Fyrrum leikmaður Chelsea, Oscar hefur yfirgefið Shanghai Shenuha í Kína eftir að hafa verið þar í sjö ár sem leikmaður. Hann er síðasti leikmaðurinn sem yfirgefur deildina á ofurlaunum.

Fyrir nokkrum árum ákvað deildin í Kína að banna þau ofurlaun sem voru hjá nokkrum leikmönnum deildarinnar.

Oscar var hins með samning og hélt áfram að þéna 25 milljónir punda á tímabili. Oscar var hjá Shanghai í sjö ár og þénaði á þeim tíma 30 milljarða.

Hann kom til félagsins árið 2017 frá Chelsea fyrir 60 milljónir punda og vann deildina í þrígang í Kína.

Oscar er 33 ára gamall og fer frítt frá félaginu en það getur ekki boðið honum laun sem hann getur sætt sig við.

Oscar er orðaður við lið í Evrópu en gæti einnig farið heim til Brasilíu þar sem Internacional vill fá hann.

„Eina markmið okkar er að fá Oscar, ég vil fá hann,“ segir Eduardo Coudet þjálfari Internacional.

Oscar var í fjögur og hálft ár hjá Chelsea áður en hann fór til Kína en hann náði að stækka bankabókina þar og heldur nú í nýtt ævintýri.