Daníel Hafsteinsson er genginn í raðir Víkings en hann kemur til félagsins eftir dvöl hjá HK.

Frá þessu greinir Víkingur á samskiptamiðlum í kvöld en Daníel hefur verið orðaður við þónokkur lið undanfarið.

Daníel var einn besti ef ekki besti leikmaður KA í sumar en hann er 25 ára gamall og spilar á miðjunni.

Víkingar fengu annan leikmann á sama tíma en Sveinn Margeir Hauksson hefur einnig gert samning við félagið.

Sveinn er 23 ára gamall og spilaði einnig með KA en hann rifti samningi sínum við bikarmeistarana eftir tímabilið.

,,Báðir eru þeir gríðarlega spennandi leikmenn. Daníel getur spilað meira eða minna allar stöður miðsvæðis á vellinum,“ segir Kári Árnason, yfirmaður knattspyrnumála Víkings.

,,Sveinn Margeir er gríðarlega kraftmikill leikmaður sem getur spilað allar framliggjandi stöður. Það skiptir okkur miklu máli að fá ákveðna tegund af leikmönnum í Víkina og báðir passa þeir fullkomlega inn í þá hugmyndafræði sem við vinnum eftir hér í Hamingjunni.“