Skiptum er lokið í þrotabúi Lindir resources ehf, fjárfestingafélagi sem var að stærstum hluta í eigu Landsbanka Íslands. Félagið, sem sérhæfði sig í fjárfestingum í orkuiðnaði og náttúruauðlindum, var úrskurðað gjaldþrota þann 20. febrúar síðastliðinn. Lýstar kröfur í búið voru alls 12.124.264.099 en engar eignir fundust í búinu.

Félagið var stofnað af  tók til starfa árið 2008 en um var að ræða dótturfélag Straumborgar ehf., fjárfestingafélags Jóns Helga Guðmundssonar, sem gjarnan er kenndur við Byko, og fjölskyldu, og Flóa ehf., félags í eigu framkvæmdastjóra félagsins Gunnlaugs Jónssonar. Var félagið stofnað utan um hluti í þremur olíuleitar – og vinnslufélögum sem staðsett voru í Noregi og Kanada. Nam verðmæti hlutanna um 3-5 milljörðum króna.

Hlutirnir gengu þó ekki upp og verðmæti hlutanna í olíuleitar- og vinnslufélögunum lækkaði mikið. Árið 2013 óskaði Straumborg eftir nauðasamningum við lánadrottna sína. Í framhaldi af því keypti Landsbankinn, sem var helsti lánadrottinn fyrirtækisins, alla eignarhluti Straumborgar í Lindum resources og yfirtók jafnframt kröfur Straumborgar á hendur dótturfélagsins. Átti Landsbankinn þa 78% hlut í félaginu en félag Gunnlaugs, Flói ehf, átti áfram 22% hlut.

Bankinn rak félagið áfram í rúman áratug og freistaði þess að endurskipuleggja félagið og snúa rekstri þess við en allt kom fyrir ekki. Samtímis gjaldþroti Lindir resources var áðurnefnt eignarhaldsfélag Gunnlaugs, Flói ehf, úrskurðað gjaldþrota.