Konan leitaði til Deidre Sanders, sambandsráðgjafa breska blaðsins The Sun, vegna málsins og þá einkum vegna viðbragða eiginmannsins. Segir hún að hann vilji nú ólmur horfa á hana stunda kynlíf með öðrum manni.
Konan segist hafa orðið foxill þegar hún komst að því að eiginmaður hennar hafði vingast við eldri konu þegar hann var í vinnuferð fjarri heimahögum sínum. Óttaðist hún að hann væri að halda framhjá henni og ákvað hún í kjölfarið að skrá sig á stefnumótaforrit þar sem hún komst í kynni við aðra menn.
„Vandamálin byrjuðu þegar maðurinn minn ákvað að fara á suðurströndina á húsbílnum okkar. Hann var að bíða eftir því að fá stórt verkefni á svæðinu og sagði að það væri meira vit í því fyrir hann að dvelja þar í nokkrar vikur í stað þess að ferðast á milli. Ég komst svo að því að hann hafði kynnst konu á fimmtugsaldri og væri mikið með henni. Ég var brjáluð. Ég er 34 ára og hann er 38 ára en börnin okkar eru sex og fjögurra ára,“ segir konan.
Úr varð að konan skráði sig á stefnumótaforrit þar sem hún mælti sér mót við tvo yngri menn sem hún endaði á að sofa hjá.
„Hann fullyrðir að hann og þessi kona hafi bara verið vinir en ég var sannfærð um að hann væri að halda framhjá mér þannig að mig langaði að særa hann. Svo ég sagði honum frá því sem ég hafði gert en viðbrögð hans komu mér verulega á óvart. Ég vil vera með manninum mínum en óttast fordæmið sem þetta gæfið ef ég sef hjá öðrum manni að honum viðstöddum,“ segir konan.
Deidre segir að konan og maðurinn hennar þurfi að vinna í sínum málum áður en hún lætur eftir „fantasíum“ hans og leita svara við eftifarandi spurningum: Hvað varð til þess að hún var viss um að hann væri að halda framhjá og hvað varð til þess að hún brást svona við?
Segir Deidre að ef hún lætur eftir fantasíum hans veiti það lítið annað en skammtímaánægju á meðan vandamálin sitja eftir óleyst. Mælir hún með því að hjónin fari til sambandsráðgjafa til að komast að rót vandans í samskiptum þeirra.
