Dvöl þeirra í landinu hefur vakið þó nokkra athygli, þá allra mest djarft klæðaval Biöncu um götur íhaldssömu og kaþólsku þjóðarinnar. Fjöldi fólks hefur óskað eftir viðbrögðum lögreglu og að Bianca verði handtekin.
Daily Mail greinir frá þessu og vísar í ítölsk lög um særða blygðunarsemi og getur hver sá sem berar sig á stað nálægt ólögráða börnum þurft að borga allt að 1,4 milljónir króna í sekt eða þurft að sæta fangelsisvist í allt að fjögur ár.
Kanye West’s ‘wife’ Bianca Censori goes barefoot, nearly busts out of bikini top in Italy with rapper https://t.co/PYFLv7Kj7i pic.twitter.com/a1ddIyqMEi
— Page Six (@PageSix) August 2, 2023
Bianca er ástralskur arkitekt og byrjaði að starfa fyrir fyrirtæki Kanye, Yeezy, árið 2020. Þau hafa verið saman síðan byrjun árs 2023 og eru sögð hafa gifst við leynilega athöfn um miðjan janúar.
Klæðaval hennar síðastliðna mánuði hefur vakið mikla athygli. Hún hefur til að mynda verið mjög hrifin af því að klæðast gegnsæjum sokkabuxum í stað hefðbundinna buxna.
Sjá einnig: Eiginkona Kanye West vekur furðu
Hún hefur haldið áfram að hneyksla á Ítalíu þar sem hún hefur gengið um göturnar „nánast nakin“ að sögn erlendra miðla.
Fatnaðurinn sem má sjá hér að neðan vakti talsverðan usla eftir að Daily Mail birti myndirnar og þær fóru í kjölfarið í dreifingu um samfélagsmiðla.
Kanye West’s ‘wife’ Bianca Censori turns heads in see-through ‘naked’ top and tights in Italy https://t.co/2AYhkfIx3P pic.twitter.com/SlxlNxAOx8
— Page Six (@PageSix) August 22, 2023
Samkvæmt miðlinum hafa áhyggjufullir landsmenn tilkynnt Biöncu til ítölsku lögreglunnar og krafist þess að hún verði handtekin fyrir ósiðlæti á almannafæri (e. public indecency).
