Svefnstellingarnar dreymandinn (e. dreamer) og hermaður (e. soldier) eru þær sem James Leinhardt, stofnandi kodda- og dýnumerkisins Levitex sem leggur áherslu á rétta hryggjarstöðu mælir með.

Bakverkir eru vaxandi vandamál hjá mörgum og seta við tölvu í margar klukkustundir daglega er lítið að hjálpa til, þegar rangt er setið við borðið. Stellingin sem við sofum í getur síðan haft áhrif, til hins betra eða til hins verra. Vissulega hreyfa mörg okkar sig mikið í svefni og breyta þannig um stellingarnar, en stellingin sem við byrjum svefninn í hefur mikið að segja að sögn Leinhardt.

Hann hefur varið meira en áratug í að vinna með langveikum og fólki með alvarleg meiðsli til að bæta svefngæði þeirra.

Dreymandinn minnir á fósturstellinguna, þú liggur á hliðinni með hnén aðeins upp og handleggina fyrir framan þig. Til að fá auka stuðning er hægt að setja kodda á milli hnjánna.

Þessi stelling setur hefur minnstu spennu á hrygginn segir Leinhardt. 

Hermaðurinn, þá liggur maður á bakinu, sem er góð staða fyrir hrygginn því líkamsþyngdin dreifist jafnt. „Ef þú liggur á bakinu er hryggurinn strax studdur af dýnunni og þú hefur sem jafnasta dreifingu líkamsþyngdar. Ef þú setur kodda undir hnén, þá hallar þú mjaðmagrindinni aðeins og meira af bakinu snertir rúmið, sem gefur betri stuðning.“

Leinhardt ráðleggur fólki ekki að sofa á maganum, nema það sé með einhverja kvilla sem krefjist þeirrar svefnstellingar.

@levitex If you sleep on your back, that’s great! Just optimise it with one old pillow #backsleeping #backsleeper #optimisedsleep #optimizedsleep ♬ original sound – Levitex