Kári Árnason, fyrrum varnarmaður í íslenska landsliðinu var allt annað en sáttur í stúdíói Viaplay í hálfleik í leik Bosníu & Herzegovinu og Íslands en staðan er 2-0 fyrir Bosníu. Varnarleikur Íslands hefur ekki verið til útflutnings.
„Þetta er bara alls ekki gott,“ sagði Kári, sérfræðingur Viaplay í hálfleik um leik íslenska liðsins. „Við sköpum nokkur hálffæri en þetta er ekki sannfærandi.
Þeir koma út úr hliðunum alveg blússandi, allir fram, fyrir utan það að varnarlínan situr eftir og fer í hina áttina. Ég hef bara aldrei séð svona, þetta er ótrúlegt.“
Í báðum mörkunum hafi leikmenn Bosníu fengið að taka snertingu inn í teig.
„Menn verða að vera nálægt sínum mönnum inn í teig, þeir geta ekki bara verið reactive á hvað er að fara gerast. Þú verður að koma þér í meiri yfirburðarstöðu. Þetta er allt of linnt og ekki gott. Varnarlínan er bara stundum ekki í mynd þegar að þeir eru að sækja.“
Heimamenn í Bosníu & Herzegovinu komust yfir stax á 14. mínútu leiksins þegar að boltinn barst til Rade Krunic inn í vítateig Íslands og hann gat ekki annað en komið boltanum í netið. Varnarleikur Íslands ekki til útflutnings.
Krunic var síðan aftur á ferðinni á 40. mínútu er hann tvöfaldaði forystu heimamanna. Staðan 2-0 þegar flautað var til hálfleiks.
