Logi Bergmann Eiðsson hefur verið ráðinn til starfa hjá Samtökum fyrirtækja í sjávarútvegi, SFS. Heimildin greinir frá, en hlutverk Loga mun vera að vinna að undirbúningi ársfundi samtakanna en auk þess mun Logi sinna tilfallandi verkefnum.

Laufey Rún Ketilsdóttir hefur störf sem upplýsingafulltrúi samtakanna 1. júní, að loknu fæðingarorlofi. 

Eftir ásakanir um að hafa brotið gegn Vítalíu Lazareva fór Logi frá starfi sínu, sem umsjónarmaður síðdegisþáttar útvarpsstöðvarinnar K100, í byrjun janúar á síðasta ári. Vítalía greindi frá því að Logi hefði brotið gegn sér, á Instagram-reikningi sínum og í viðtali í hlaðvarpsþættinum Eigin konur. Það greindi hún frá því að hún hefði upplifað brot af hendi hans í félagi við Arnar Grant, en nafngreindi Loga ekki. 

Logi sendi frá sér yfirlýsingu 6. janúar 2022 þar sem hann sagðist saklaus af því að hafa brotið gegn Vítalíu. Hann sagðist hafa farið yfir mörk í einkalífi fólks, með því að fara inn í herbergi sem hann hefði ekki átt að fara inn í. Sagðist hann taka á ábyrgð og tjáð viðkomandi að honum þætti þetta leitt.

Engar fréttir hafa borist af því hvenær né hvort Logi snúi aftur til K100.