Nafnabreytingatillagan sem liggur fyrir komandi aðalfundi Festis hefur vakið mikla athygli en tillagan er á þá leið að nafni fyrirtækisins verði breytt í Sundrung. Sá sem stendur á bak við tillöguna er séra Pétur Þorsteinsson í Óháða söfnuðinum sem að eigin sögn er einn allra smæsti hluthafi fyrirtækisins. Þetta kemur fram í viðtali Morgunblaðsins við séra Pétur.

Í viðtalinu kemur fram að séra Pétur hafi lagt tillögunina fram  af yf­ir­veg­un og með það í huga að vekja at­hygli á aðferðinni við upp­sögn Eggerts Þórs Kristó­fers­son­ar, for­stjóra fé­lags­ins.

„En ég legg ekk­ert endi­lega til að þetta verði samþykkt,“ seg­ir hann.

Séra Pétur seg­ir mik­il­vægt að kom­andi kyn­slóðir geti séð síðar meir að hann hafi verið ósátt­ur með þessa ákvörðun og að út­færa hafi mátt mál­in á ann­an veg. Spurður hvort hann sé al­mennt ósátt­ur með að skipt sé um for­stjóra fé­lags­ins seg­ir hann svo ekki vera.

„Það er í lagi að skipta um hest í miðri á eða skipta um liðstjóra, en að farið yrði að þessu öðru­vísi og sýna meiri kær­leika í því hvernig þetta kæmi til held­ur en að vera að drífa í þessu svona.“

Nánar er fjallað um málið á vef Morgunblaðsins.