Maður var í dag fundinn sekur í Héraðsdómi Reykajvíkur fyrir brot í Nettó-verslun í Þönglabakka. Var maðurinn sakaður um að hafa stolið nautalundum úr versluninni að andvirði tæpar 17 þúsund krónur, og að hafa gengið í skrokk á öryggisverði, sparkað í rass hans og handlegg, tekið hann kverkataki og slegið hann í andlit. Var öryggisvörðurinn með nokkra áverka eftir árásina.
Maðurinn var einnig sakfelldur fyrir ökulagabrot.
Maðurinn játaði brot sín skýlaust enn hann á að baki langan sakaferil og var ítrekun brota honum til refsiauka.
Var maðurinn, sem er tæplega 35 ára gamall, dæmdur í sex mánaða fangelsi, óskilorðsbundið.
