Hryðjuverkaárásirnar á New York þann 11. september 2001 renna væntanlega engum úr minni sem upplifði þær, hvort sem viðkomandi var í návígi við vettvanginn eða fylgdist með í sjónvarpi. Tveimur flugvélum var flogið inn í turnana tvo sem hrundu síðan til grunna. Nú hefur nýtt og áður óséð myndband af þessum atburðum verið birt á YouTube og hefur það vakið mikla athygli.

Það er um níu mínútur á lengd og var tekið af Kevin Westley sem var staddur á bát skammt frá byggingunum þegar árásin var gerð. Hann birti myndbandið raunar á YouTube fyrir um 20 árum en stillti það þannig að aðeins hann hafði aðgang að því. Hann áttaði sig á þessu nýlega og breytti þá stillingunni þannig að allir geti séð myndbandið.

Það byrjar eftir að fyrri flugvélinni var flogið á norðurturninn og sýnir eldhafið í henni.

Á upptökunni má heyra viðbrögð nærstaddra sem var að vonum illa brugðið.