Margt er fundið upp á undarlegum tímapunktum og má þar nefna að kveikjarar voru fundnir upp 1823 eða 21 ári á undan eldspýtum eins og við þekkjum þær. Dósaopnarar komu ekki fram á sjónarsviðið fyrr en tæpum 50 árum eftir að niðurstöðudósir komu fram á sjónarsviðið. Það var ekki fyrr en 1970 sem einhver fékk þá snjöllu hugmynd að setja hjól undir ferðatöskur.
En hvað með „@“? Það liggur ekki í augum uppi að táknið hafi verið fundið upp áður en tölvupóstur kom til sögunnar eða það að „tagga“ fólk á samfélagsmiðlum. Táknið getur því ekki verið mjög gamalt, eða hvað?
En raunar er það tæplega 500 ára og sumir telja að það sé jafnvel enn eldra og hafi verið notað á sjöttu eða sjöundu öld. iflScience skýrir frá þessu.
Að sögn var upphafleg merking táknsins að það kom í staðinn fyrir að skrifað væri „fyrir stykkið“ eða jafnvel að það hafi haft nær sömu merkingu og í dag, sem sagt „hjá“, „varðandi“ eða þess háttar.
Ein kenning er að táknið hafi verið búið til með því að slá „a“ og „d“ saman til að hægt væri að spara tíma við skriftir og hafi því haft sömu merkingu og það hefur í dag.
Önnur kenning, sem byggist á einni fyrstu þekktu notkun táknsins sem er frá 1536, gengur út á að í bréfi sem franski kaupmaðurinn Francesco Lapi skrifaði notaði hann „@“ í staðinn fyrir „fyrir stykkið“. Til dæmis skrifaði hann: „10 bollur „@“ 5 fr“ í staðinn fyrir að skrifa „10 bollur á 5 fr stykkið.“
En hvað sem er rétt í þessu þá hvarf táknið úr notkun með tímanum eða allt þar til 1971 þegar Ray Tomlinson, tölvusérfræðingi, datt í hug að nota í netföngum.
