Frá klukkan 22.17 í gærkvöldi og fram til klukkan 4 sinntu björgunarsveitir rúmlega 100 verkefnum vegna óveðurs. Flest voru verkefnin á höfuðborgarsvæðinu og Suðurnesjum en einnig voru björgunarsveitir kallaðar út í Þorlákshöfn og Vestmannaeyjum.

Í tilkynningu frá Landsbjörg segir að um fok á lausamunum hafi verið að ræða, til dæmis fiskikörum, ruslatunnum og jólatrjám.

Einnig þurfti að koma böndum á grindverk, garðskúra, þakplötur og klæðningar á húsum. Einnig var eitthvað um að byggingarefni fyki á byggingarsvæðum og að vinnupallar færðust úr stað. Lítið var um verkefni við hafnir eða í nálægð við sjó.

Mesta álagið var á milli klukkan 23 og 02. Þá fór að draga úr fjölda tilkynninga og höfðu allir hópar lokið störfum um klukkan 04 í nótt.

Meðfylgjandi eru myndir sem voru teknar á höfuðborgarsvæðinu í nótt.