1.074 einstaklingar greindust með Covid-19 hér innanlands í gær. 459 þeirra sem greindust voru í sóttkví við greiningu en 615 voru utan sóttkvíar. Þetta kemur fram í nýjum tölum sem birtar voru á upplýsingavef almannavarna, Covid.is.
Þá kemur einnig fram að nú eru 9.125 manns í einangrun vegna veirunnar og eru 7.525 í sóttkví. 30 manns liggja nú inni á Landspítala vegna Covid-19, af þeim eru 8 á gjörgæslu en 5 eru í öndunarvél.
