Áhrifavaldurinn og leikkonan Kristín Pétursdóttir er gengin út og heitir sá heppni Haukur Már Hauksson, yfirkokkur og einn eigenda Yuzu-hamborgarstaðanna.

Haukur Már og viðskiptfélagar hans Sindri Snær Jensson og Jón Davíð Davíðsson, eigendur fataverslunarinnar Húrra, opnuðu fyrsta Yuzu-staðinn í lok árs 2019 á Hverfisgötu en síðan hefur bæst við annar staður í BORG29-mathöllinni.

 

View this post on Instagram

 

A post shared by Haukur Már (@haukurchef)

Haukur Már á flottan feril að baki í veitingageiranum. Hann var yfirkokkur á Grillmarkaðinum og starfaði á Zuma, einum flottasta veitingastað heims í London. Ástríða hans liggur í asískri matargerð og gætir þeirra áhrifa bæði í nafni og áherslum Yuzu-staðanna.

Yuzu heitir til dæmis eft­ir samnefndum gulum  ávext­i, sem lít­ur út eins og krumpuð sítr­óna og er fyr­ir­ferðar­mik­ill í jap­anskri mat­ar­gerð og er hann finna í mörg­um rétt­um á mat­seðli staðar­ins, sós­um og fleira.

Kristín og Haukur Már hafa verið að hittast í talsverðan tíma en haldið sambandi sínu fjarri samfélagsmiðlum. Breyting varð á því í kvöld þegar þau birtu myndir af sér í faðmlögum og fáguðum atlotum. Þau eiga bæði börn frá fyrri samböndum.