Hildur Hilmarsdóttir, bloggari á síðunni Mamiita, deilir uppskrift að hollari útgáfu af pasta í rjómasósu. Fyrir þá sem ekki borða kjöt eða kjötvörur er einfalt mál að sleppa kjúklingi og kjúklingasoði og nota í staðinn sojakjöt eða jafnvel láta pastað duga.
Hráefni
- 2–3 kjúklingabringur
- 3 hvítlauksrif, söxuð
- Hálf krukka sólþurrkaðir tómatar
- Hálfur pakki sveppir, skornir í bita
Hálfur laukur, grófsneiddur
- 1 dós kókosmjólk
- 1 bolli pasta, ég notaði penne-pasta
- 1 dl kjúklingasoð (hálfur teningur af kjúklingakrafti og 1 dl soðið vatn)
- ca. 15 blöð af ferskri basilíku, skorin smátt
- Sletta af kókosolíu
- Salt og pipar eftir smekk
Aðferð
- Kjúklingabringurnar skornar í bita og steiktar upp úr kókosolíu og hvítlauk á pönnu og kryddaðar eftir smekk
- Pastað soðið eftir leiðbeiningum á pakkanum
- Sveppum, sólþurrkuðum tómötum, lauk og basilíku bætt við kjúklinginn þegar hann er orðinn brúnaður. Leyft að malla saman í smá stund
- Vatninu hellt af pastanu og því blandað við kjúklinginn
- Kókosmjólkinni bætt við ásamt kjúklingasoðinu og leyft að malla þar til kókosmjólkin fer að sjóða
- Ferskri basilíku stráð yfir
Hægt er að fylgjast með Hildi og fá fleiri girnilegar uppskriftir frá henni á Instagram: hildurhilmars
