Fram er komið aftur upp í efstu deild í fyrsta sinn frá árinu 2014 þegar liðið lék þar síðast, þetta stórveldi hefur lengi beðið eftir því að komast aftur upp. Það er nú komið í hús eftir aðeins sextán umferðir í Lengjudeild karla.

Tveimur leikjum er nýlokið að Lengjudeild karla í kvöld. Ljóst er að Fram mun leika í Pepsi Max deildinni á næsta tímabili eftir að liðið vann 2-1 sigur á Selfoss og Kórdrengir töpuðu fyrir Grótta á útivelli.

Alexander Már Þorláksson kom Fram yfir á 3. mínútu og Indriði Áki Þorláksson tvöfaldaði forskot heimamanna þegar að 10 mínútur voru liðnar af seinni hálfleik. Gary Martin minnkaði muninn fyrir Selfoss á 67. mínútu og þar við sat.

Fram fór létt með Lengjudeildina en liðið er með 12 stiga forskot á ÍBV í 2. sætinu. Selfoss er í 10. sæti með 15 stig, fimm stigum frá fallsæti.

Grótta tók á móti Kórdrengjum á Vivaldivellinum. Valtýr Már Michaelson kom Grótta í forystu eftir þriggja mínútna leik. Þórir Rafn Þórisson jafnaði metin fyrir Kórdrengi á 80. mínútu eftir slæm mistök í vörn Grótta en Pétur Thedór Árnason kom heimamönnum aftur yfir sex mínútum síðar og þar við sat. Kórdrengir eru í 3. sæti með 28 stig eftir 16 leiki og ljóst að liðið getur ekki náð Fram að stigum.

Leiknum var ekki lokið hjá Kórdrengjum og biðu Framarar eftir úrslitum þar og fögnuðurinn var mikill

Það var fagnað vel í Safamýri í kvöld eins og sjá má hér að neðan.

Ítarlega verður farið yfir magnaðan árangur Fram í Lengjumörkin á Hringbraut á mánudag.